EKŌ (2025) MALAYALAM MOVIE REVIEW

 

Ekō (2025)

A Film by Dinjith Ayyathan & Bahul Ramesh 

കിഷ്കിന്ദാ കാണ്ഡത്തിന് ശേഷം ദിൻജിത്ത് അയ്യത്താൻ - ബാഹുൽ രമേശ് ടീമിന്റെതായി വന്ന ഏറ്റവും പുതിയ ചിത്രമാണ് എക്കോ. സന്ദീപ് പ്രദീപ്, നരേൻ, വിനീത്, ബിനു പപ്പു, എന്നിവർക്കോപ്പം കുറച്ചു മലേഷ്യൻ ആർട്ടിസ്റ്റുകളും സിനിമയിൽ പ്രധാന കഥാപാത്രങ്ങളെ അവതരിപ്പിക്കുന്നു. 

കുരങ്ങുകൾ പ്രധാന കഥാപാത്രമായി വന്ന 'കിഷ്കിന്ദ കാണ്ഡം', നായകൾ പ്രധാന കഥാപാത്രങ്ങളെ അവതരിപ്പിച്ചു ഞെട്ടിച്ച 'കേരള ക്രൈം ഫയൽ സീസൺ 2', വീണ്ടും നായകളെ (വെറും നായകളല്ല, മലേഷ്യൻ ബ്രീഡ്) തന്നെ പ്രധാന റോളുകളിൽ കൊണ്ടുവന്ന 'അനിമൽ ട്രിലോജിയിലെ' മൂന്നാമത്തെ കഥയാണ് എക്കോയിലൂടെ എഴുത്തുകാരനും ഛായാഗ്രഹകനുമായ ബാഹുൽ രമേശ് പ്രേക്ഷകർക്ക് മുന്നിലേക്ക് ചുരുൾ അഴിച്ചു വിടുന്നത്. 

ബാഹുലിന്റെ മുകളിൽ പറഞ്ഞ വർക്കുകൾ പോലെ തന്നെ ഇവിടെയും പറയുന്നത് കാണുന്ന പ്രേക്ഷകർക്ക് അങ്ങനെ പെട്ടെന്ന് പിടി തരാത്ത കുറച്ചു കഥാപാത്രങ്ങളെയും 'കാറ്റ്കുന്ന്' എന്ന ദുരൂഹതകൾ ഏറെ നിറഞ്ഞ ഒരു മലയോര പ്രദേശത്തിന്റെയും, അതിലേറെ നിഗൂഢതകൾ നിറഞ്ഞ 'കുര്യച്ചൻ' എന്ന മനുഷ്യന്റെയും അയാളെ തേടി അവിടെയെത്തുന്ന ഒരുകൂട്ടം മനുഷ്യരുടെയും കഥയാണ്. ഇതിൽ കൂടുതൽ എന്ത് പറഞ്ഞാലും സ്‌പോയ്‌ലർ ആയേക്കാം എന്നത് കൊണ്ട് ഞാൻ കഥയിലേക്ക് കൂടുതൽ കടക്കുന്നില്ല. 

പോസിറ്റീവ്

ബാഹുൽ രമേശ് - കാച്ചി കുറുക്കിയ എഴുത്ത് 👌

എങ്ങനെയാണ് ഒരേസമയം മികച്ച ഒരു ഛായാഗ്രാഹകനും, അതിനേക്കാൾ ഗംഭീരമായ എഴുത്തുകാരനും ആയി മാറാൻ കഴിയുന്നത് മനുഷ്യാ...??!!!

'കിഷ്കിന്ദ കാണ്ഡം' കണ്ടപ്പോൾ കിട്ടിയ അതേ ഫീൽ ഇപ്പോൾ എക്കോ കണ്ടപ്പോഴും നിങ്ങൾക്ക് തരാൻ കഴിഞ്ഞു. എങ്ങനെ ഇങ്ങനെയൊക്കെ ചിന്തിക്കാൻ കഴിയുന്നു എന്നാണ് എനിക്ക് അത്ഭുതം...👌

സ്ക്രിപ്റ്റ് ഒരു പൊടിയ്ക്ക് പാളിയാൽ പോലും മൊത്തം സിനിമ തന്നെ ചിലപ്പോൾ കയ്യിൽ നിന്ന് പോയേനെ എന്നതിൽ നിന്നും വളരെ കയ്യടക്കത്തോടെ എന്നാൽ സ്പൂൺ ഫീഡിങ് ലവലേശം ഇല്ലാതെ തന്നെ പ്രേക്ഷകരിലേക്ക് കാര്യങ്ങൾ Convey ചെയ്യുന്ന തരത്തിലുള്ള ഗംഭീര എഴുത്ത് തന്നെയാണ് ഈ സിനിമയുടെ ഏറ്റവും വലിയ ഹൈലൈറ്റ് എന്ന് നിസ്സംശയം പറയാം. അതും വെറും രണ്ട് മണിക്കൂർ കൊണ്ട് ആണ് ഇതൊക്കെ ചെയ്തു വെച്ചിരിക്കുന്നത് എന്നതാണ് ബാഹുലിന്റെ ബ്രില്യൻസ്. ക്ലൈമാക്സ് കണ്ട് കഴിഞ്ഞു കുറച്ചു സമയത്തേക്ക് ഞാൻ അവിടെ അങ്ങനെ ഇരുന്നു പോയി...🥶 

അതാണ് നിങ്ങളുടെ എഴുത്തിന്റെ ശക്തി...🔥

കഥ ഏറ്റവും നന്നായി അറിയാവുന്ന ആൾ തന്നെ ക്യാമറയും കൈകാര്യം ചെയ്യുമ്പോൾ കിട്ടുന്ന ഒരു ക്വാളിറ്റിയുണ്ട്. ബാഹുലിന്റെ വിഷ്വൽസ് സിനിമയെ കൂടുതൽ മനോഹരമാക്കി. 'കാറ്റ്കുന്ന്' എന്ന മലയുടെ മുകളിലേക്ക് നമ്മെയും അത് കൊണ്ടെത്തിക്കും. കിടിലൻ സിനിമാറ്റോഗ്രഫി. 

കാസ്റ്റിങ് & പെർഫോമൻസ് 💚👌

സന്ദീപ് പ്രദീപ് ― ഓരോ സിനിമ കഴിയുംതോറും ഞെട്ടിച്ചു കൊണ്ടേയിരിക്കുന്നു. ഇതുവരെ ചെയ്തതിൽ വെച്ച് ഏറ്റവും കിടിലൻ ക്യാരക്ടർ ആയിരുന്നു 'പീയൂസ്'. ഇതുപോലെ സേഫ് സോണുകൾ പൊളിച്ചു പുറത്തു വരുന്ന ലെവൽ ഐറ്റംസ് ഇനിയും പ്രതീക്ഷിക്കുന്നു. അതിനുള്ള റേഞ്ച് നിനക്കുണ്ട് മോനെ...💥👌

'മ്ലാത്തി ചേടത്തി' ആയി വന്ന ബിയാന മോമിൻ 💎👌

എജ്ജാതി കിടിലൻ ക്യാരക്ടർ, ഒരുപാട് ലെയറുകൾ ഉള്ള ആ കഥാപാത്രത്തെ അതിന്റെ മീറ്റർ പിടിച്ചു ചെയ്യാൻ അവർക്ക് കഴിഞ്ഞു. അതും ഒരു അന്യഭാഷാ അഭിനേത്രി എന്ന നിലയിൽ ശരിക്കും എന്നെ ഞെട്ടിച്ചത് ഇവരുടെ പെർഫോമൻസ് ആയിരുന്നു. ഒപ്പം നല്ല ഡീസന്റ് ഡബ്ബിങ് ആയിരുന്നു. ആളുടെ ചെറുപ്പം ചെയ്ത നടിയും നന്നായിരുന്നു. ക്ലൈമാസിലെ ഡയലോഗ് ഡെലിവറി ഒക്കെ വൻ പൊളി ഐറ്റം ആയിരുന്നു...💥👌

സഹീർ മുഹമ്മദ് എന്ന പോലീസുകാരന്റെ വേഷം ചെയ്ത നടൻ ഒക്കെ കിടു ആയിരുന്നു. 

ഒപ്പം അശോകൻ, നരേൻ, വിനീത് ഇവരൊക്കെ എന്നത്തേയും പോലെ മികച്ച പ്രകടനം തന്നെ. 

മുജീബ് മജീദ്‌ ― മാരക ബിജിഎം 🤩👌

സിനിമയുടെ വന്യതയ്ക്ക് അനുയോജ്യമായ രീതിയിലുള്ള ബാക്ക്ഗ്രൗണ്ട് സ്കോറിങ് ആയിരുന്നു മുജീബ്‌ മജീദിന്റേത്. സിനിമ ആദ്യാവസാനം എൻഗേജിങ് ആക്കി നിർത്തുന്നതും അതുകൊണ്ട് തന്നെയാണ്. മുജീബിന്റെ അടുത്തതായി വരുന്ന സിനിമ കളങ്കാവലിനായി കട്ട വെയ്റ്റിങ്. വലിയ ഒച്ചപ്പാടോ ബഹളമോ ഇല്ലാതെ വളരെ പതിഞ്ഞ രീതിയിൽ എന്നാൽ സിനിമയുടെ സീരിയസ് മൂഡ് ഒട്ടും തന്നെ നഷ്ടപ്പെടാത്ത വിധത്തിലുള്ള സ്കോറിങ്. അനാവശ്യ പാട്ടുകൾ ഒന്നും ചേർക്കാതിരുന്നത് സിനിമയുടെ ലെങ്ത് കുറക്കാനും സഹായിച്ചു.  

നെഗറ്റീവ് 

സിനിമയിൽ ആകെയൊരു നെഗറ്റീവ് ആയി എനിക്ക് പേഴ്സണലി തോന്നിയത് കുര്യച്ചൻ എന്ന കഥാപാത്രം ആയി വന്ന നടന്റെ പെർഫോമൻസ് ആണ്. സിനിമയിലെ ഏറ്റവും പ്രധാനപ്പെട്ട ആ കഥാപാത്രത്തെ അവതരിപ്പിക്കാൻ കുറേക്കൂടി നല്ലൊരു നടനെ തിരഞ്ഞെടുക്കാം ആയിരുന്നു. ഒരുപാട് സീനുകൾ ഇല്ലെങ്കിലും ചില രംഗങ്ങളിൽ ആ കഥാപാത്രം വരുമ്പോൾ പ്രത്യേകിച്ച് യാതൊരു ഇംപാക്ട് എനിക്ക് ഫീൽ ചെയ്തില്ല. തികച്ചും ഇത് എൻ്റെ വ്യക്തിപരമായ അഭിപ്രായം മാത്രം. 

എൻ്റെ അഭിപ്രായം 

നിഗൂഢതകൾ ഒരുപാട് ഒളിപ്പിച്ച് വെച്ചിട്ടുള്ള ഒരു Puzzle ആണ് ഈ സിനിമ. അതുകൊണ്ട് തന്നെ വളരെ ശ്രദ്ധയോടെ കണ്ടാൽ മാത്രമേ സിനിമ നിങ്ങൾക്ക് കണക്റ്റ് ആകുകയുള്ളൂ. ആ കണക്ഷൻ കിട്ടി കഴിഞ്ഞാൽ പിന്നെ നിങ്ങൾ കുര്യച്ചൻ്റെയും കാറ്റ്കുന്നിൻ്റെയും മ്ലാത്തി ചേട്ടത്തിയുടെയും ഒക്കെ ലോകത്തിൽ എത്തിപ്പെടും. സിനിമ കഴിഞ്ഞാലും കുറച്ചുനേരം അവർക്കൊപ്പം നമ്മളും അവിടെ തന്നെ തങ്ങി നിൽക്കുന്ന പോലൊരു അനുഭവം ആണ് എക്കോ എനിക്ക് സമ്മാനിച്ചത്. അതുപോലെ ഓരോ തവണ കാണുമ്പോഴും ഓരോ അർത്ഥ തലങ്ങളും വ്യാഖ്യാനങ്ങളും നമുക്ക് ഈ സിനിമയിൽ കാണാം. അത് തന്നെയാണ് ഈ സിനിമയുടെ മാജിക് ✨

കാത്തിരിക്കുന്നു ബാഹുൽ നിങ്ങളുടെ അടുത്ത സിനിമക്കായി...😍

മലയാളത്തിലെ എണ്ണം പറഞ്ഞ സ്ക്രിപ്റ്റ് റൈറ്റർമാർക്ക് ഒപ്പം നിങ്ങളും ഉണ്ടാവും...❤‍🔥

#Naaz373 😊