Forgotten (2017) HIGHLY RECOMMENDED👌

Forgotten (2017)



A Well Scripted and Well Executed Crime Thriller

Highly Recommended for All Movie Addicts

ഏറെ കാലത്തിന് ശേഷമാണ് ഒരു കൊറിയൻ സിനിമ വീണ്ടും കണ്ടത്. അക്ഷരാർത്ഥത്തിൽ ഞെട്ടിച്ച ഒരു മാരക സിനിമ. ചിക്കൻ ബിരിയാണി പ്രതീക്ഷിച്ചു കാണാൻ തുടങ്ങിയ എനിക്ക് നല്ല ഒന്നാന്തരം മട്ടൻ ബിരിയാണി കിട്ടിയ ഫീൽ ആയിരുന്നു സിനിമ കണ്ടതിന് ശേഷം തോന്നിയത്. 

സിനിമയുടെ തുടക്കത്തിലെ ഒരു പത്തു മിനിറ്റ് കണ്ടാൽ ഒരിക്കലും നമ്മൾ പ്രതീക്ഷിക്കില്ല സിനിമ അവസാനിക്കുന്നത് മറ്റൊരു ലെവലിൽ ആണെന്ന്. ആദ്യം ഒരു ഹൊറർ ടച്ച് ഫീൽ ചെയ്‌തെങ്കിലും പിന്നെ സിനിമ സീരിയസ് ആകാൻ തുടങ്ങി. കഥയുടെ പോക്ക് എങ്ങോട്ടാണെന്നുള്ള ഒരു സൂചന പോലും കാണുന്ന പ്രേക്ഷകന് കൊടുക്കാതെ, എന്തിനേറെ ഒന്നൂഹിക്കാൻ പോലുമുള്ള അവസരം നൽകാതെ തികച്ചും പെർഫെക്ട് ആയ സ്ക്രിപ്റ്റ് തന്നെയാണ് സിനിമയുടെ ഹൈലൈറ്റ്. ഒരു സംശയത്തിനോ ആശയക്കുഴപ്പത്തിനോ ഇട നൽകാതെ തീർത്തും കുറ്റമറ്റ സ്ക്രിപ്റ്റ് കൊണ്ട് സിനിമ രണ്ടാം പകുതിയിലെ ഓരോ സീനിലും പ്രേക്ഷകരെ സസ്പെൻസിന്റെ കൊടുമുടിയിൽ എത്തിക്കുന്നു. അതിൽ എന്നെ ഏറ്റവും ത്രില്ലടിപ്പിച്ച, കിളി പറത്തിയ സീൻ ആ കലണ്ടർ നോക്കുന്ന രംഗം ആയിരുന്നു. ഒരു തരിപ്പ് മാത്രമേ ഓർമയുള്ളൂ. അത്രയും രോമാഞ്ചം തരുന്ന മേക്കിങ്, അഭിനയിച്ച ഓരോരുത്തരുടെയും പെർഫോമൻസ്, ത്രില്ലടിപ്പിക്കുന്ന ബിജിഎം എല്ലാം കൊണ്ടും കാണുന്നവർക്ക് ഒരു ട്രീറ്റ് തന്നെയാണ് സിനിമ. 

ഇത് ഒരു കൊറിയൻ സിനിമ ആയതിന്റെ പേരിൽ ആരും ഈ സിനിമ കാണാതെ പോകരുത്. കാരണം ഇതുപോലുള്ള മാരക ത്രില്ലറുകൾ എല്ലാ ഭാഷയിലും സംഭവിക്കണമെന്നില്ല. അതുകൊണ്ട് എല്ലാവരും ഒരിക്കൽ എങ്കിലും ഈ സിനിമ കാണണം. ഒരു പെർഫെക്‌ട് ത്രില്ലർ സിനിമ എങ്ങനെ ആയിരിക്കണം എന്നതിന്റെ ഏറ്റവും മികച്ച ഉദാഹരണം കൂടിയാണ് ഈ സിനിമ. 

ഇപ്പോഴാണ് നമ്മുടെ ആളുകളൊക്കെ കൊറിയൻ സിനിമ നോക്കി പകർത്തുന്നതിന്റെ രഹസ്യം പിടികിട്ടിയത്. ലോക സിനിമയിൽ തന്നെ ഏറ്റവും ഗംഭീര തിരക്കഥകൾ ഒരുപക്ഷെ കൊറിയൻ സിനിമകളിൽ ആയിരിക്കും എന്ന് ഈയൊരു സിനിമ കണ്ടതോടെ ബോധ്യമായി.

ഏറെ കാലത്തിന് ശേഷം കണ്ട ലക്ഷണമൊത്ത സസ്പെൻസ് ത്രില്ലർ

എംസോണിൽ മലയാള പരിഭാഷ ലഭ്യമാണ്

#Naaz373