BELL BOTTOM (2019) MOVIE REVIEW

 

🎥 Bell Bottom (2019) - Kannada

Directed by Jayathirtha

കിരിക് പാർട്ടി എന്ന ഒറ്റ ചിത്രം സംവിധാനം ചെയ്തു കൊണ്ട് ശ്രദ്ധേയനായ ഋഷഭ് ഷെട്ടി നായകവേഷത്തിൽ എത്തിയ കോമഡി ഇൻവെസ്റ്റിഗേഷൻ ത്രില്ലറാണ് ബെൽ ബോട്ടം. 

നഗരത്തിലെ വിവിധ പോലീസ് സ്റ്റേഷനുകളിൽ പല സമയങ്ങളിലായി നടക്കുന്ന മോഷണങ്ങളും അതിന്റെ കേസന്വേഷണത്തിലേക്ക് അവിചാരിതമായി എത്തപ്പെടുന്ന പൊലീസ് കോൺസ്റ്റബിൾ ആയ ദിവാകർ, എന്നാൽ തന്റേയുള്ളിൽ ഉള്ളതൊരു ഡിറ്റക്ടീവ് ആണെന്ന് തിരിച്ചറിഞ്ഞു കൊണ്ട് പോലീസ് കുപ്പായത്തിൽ നിന്നും ഡിറ്റക്ടീവ് ദിവകറിലേക്ക് 'രക്ഷപ്പെടാൻ' ആഗ്രഹിക്കുന്ന നമ്മുടെ കഥാ നായകന്റെയും അയാൾ ഏറ്റെടുക്കുന്ന സംഭവബഹുലമായ കേസന്വേഷണത്തിന്റെയും കഥയാണ് ബെൽ ബോട്ടം. 

തുടക്കം മുതൽ ഒടുക്കം വരെ പ്രേക്ഷകരെ പിടിച്ചിരുത്തുന്ന കഥയും തിരക്കഥയും സംവിധാനവുമാണ് സിനിമയുടെ ഹൈലൈറ്റ്. ഏജന്റ് സായ് ശ്രീനിവാസ പോലെ ഹാസ്യത്തിലൂടെ ത്രില്ലർ സിനിമകൾ എടുക്കാൻ മിടുക്കുള്ള സാൻഡൽവുഡിൽ നിന്ന് അതേ ജേണറിൽ തന്നെയാണ് ബെൽ ബോട്ടവും കഥ പറഞ്ഞു പോകുന്നത്. അതുകൊണ്ട് തന്നെ ത്രില്ലറിനൊപ്പം ഒരു കംപ്ലീറ്റ് എന്റർടൈനർ കൂടിയാണീ ചിത്രം. ഇതുവരെ കണ്ടിട്ടോ കേട്ടിട്ടോ പോലുമില്ലാത്ത കുറച്ചു 'കൺകെട്ട്' വിദ്യകൾ കൂടി സിനിമ പറഞ്ഞു തരുന്നുണ്ട്. കൂടുതൽ പറഞ്ഞു സ്‌പോയ്‌ലർ ആക്കുന്നില്ല. അത് എന്താണെന്നുള്ളത് സിനിമ കണ്ട് തന്നെ അറിയുക.

അഭിനേതാക്കൾ എല്ലാവരും മികച്ച പെർഫോമൻസ് കാഴ്ച വെക്കുമ്പോഴും ഋഷഭ് ഷെട്ടിയുടെ ഗംഭീര പ്രകടനം പറയാതിരിക്കാനാവില്ല. അതേപോലെ നായകന്റെ അച്ഛൻ കഥാപാത്രം അവതരിപ്പിച്ച നടനും എടുത്തു പറയേണ്ട അഭിനയം ആയിരുന്നു. 

സിനിമയുടെ മൂഡിന് ചേരുന്ന ബിജിഎം കൂടിയാകുമ്പോൾ ഒരു ക്വാളിറ്റി ഫീൽ ചെയ്യിക്കാൻ സിനിമയ്ക്ക് ആകുന്നുണ്ട്. ആകെയുള്ള ഒരു സോങ്ങും തരക്കേടില്ല. ഹരിപ്രിയ - ഋഷഭ് കോംബോ ഏറെ ഇഷ്ടമായി. 

ത്രില്ലർ പ്രേമികൾക്ക് ഒരു ഗംഭീര വിരുന്ന് തന്നെയാണ് ബെൽ ബോട്ടം. രണ്ടേകാൽ മണിക്കൂർ സമയം മാറ്റിവെച്ചു കണ്ടാൽ അത് ഒരിക്കലും ഒരു നഷ്ടമാകില്ല എന്ന് ഞാൻ ഉറപ്പ് നൽകുന്നു. 

VERDICT:- AN EXTREMELY ENTERTAINING INVESTIGATION THRILLER

#Naaz373😊