LOCKUP (2020) MOVIE REVIEW

 

🎥 LOCKUP (2020)

A Film by SG Charles

ഒരുദിവസം സംഭവിക്കുന്ന രണ്ട് മരണങ്ങൾ - അതിലൊന്ന് ഒരു പോലീസ് ഇൻസ്‌പെക്ടറുടെ കൊലപാതകവും മറ്റൊന്ന് ഒരു സ്ത്രീയുടെ ആത്മഹത്യയും. ഈ രണ്ടു മരണങ്ങൾ തമ്മിലുള്ള ബന്ധവും അതിനിടയിൽ അകപ്പെട്ടു പോകുന്ന കുറെ കണ്ണികളുമാണ് സിനിമയിലെ പ്രധാന കഥാപാത്രങ്ങൾ. ഈ രണ്ട് സംഭവങ്ങളിലേക്കും തീർത്തും അപ്രതീക്ഷിതമായി എത്തപ്പെടുന്ന നായകൻ അതിൽ നിന്നും പുറത്ത് കടക്കാൻ നടത്തുന്ന ശ്രമങ്ങളും ഇതിന്റെ പിന്നിലുള്ളവരെ നിയമത്തിന് മുന്നിൽ കൊണ്ടുവരുന്നതും ഇതിന് രണ്ടിനുമിടയിൽ ഉണ്ടാകുന്ന സംഭവങ്ങളുമാണ് സിനിമ പറയുന്നത്. 

ഈയിടെയായി ഒടിടി പ്ലാറ്റ്ഫോമുകളിൽ ഡയറക്ട് റിലീസ് ചെയ്യുന്ന സിനിമകളുടെ നിലവാരം ചോദ്യം ചെയ്യപ്പെടുന്ന രീതിയിൽ നിരാശ സമ്മാനിച്ചപ്പോൾ അതിൽ നിന്നും വിഭിന്നമായി പൂർണ സംതൃപ്തി നൽകിയ ചിത്രം കൂടിയാണിത്. 

വമ്പൻ താരനിരയൊന്നും ചിത്രത്തിന് അവകാശപ്പെടാൻ ഇല്ലെങ്കിലും സംവിധായകൻ വെങ്കട് പ്രഭുവിന്റെ സാന്നിധ്യം ചിത്രത്തിന് ഉത്തേജനമായി മാറിയിട്ടുണ്ട്. സാമാന്യം ഭേദപ്പെട്ട പ്രകടനങ്ങളും ടെക്നിക്കൽ സൈഡും ഉള്ള ചിത്രത്തിന്റെ ബിജിഎം മികച്ചുനിൽക്കുന്നുണ്ട്. ചിത്രത്തിൽ പ്രധാന കഥാപാത്രങ്ങളെ അവതരിപ്പിക്കുന്ന രണ്ട് കുട്ടികളുടെ പ്രകടനം എടുത്തു പറയേണ്ടതാണ്. അതുപോലെ തന്നെ മലയാള നടി ഷംന കാസിമിന്റെ കഥാപാത്രവും  നന്നായിരുന്നു. 

ചുരുക്കത്തിൽ നല്ലൊരു ക്രൈം ത്രില്ലർ സിനിമ തന്നെയാണ് ലോക്കപ്പ്. ഒന്നേമുക്കാൽ മണിക്കൂറിൽ അധികം വലിച്ചുനീട്ടലുകൾ ഒന്നുമില്ലാതെ തന്നെ വൃത്തിയായി സംവിധാനം ചെയ്ത മികച്ച ത്രില്ലർ. 

#Naaz373