SHERSHAAH (2021) HINDI MOVIE REVIEW

 

🎥 SHERSHAAH (2021)

🎬 FILM BY VISHNU VARADHAN

ക്യാപ്റ്റൻ വിക്രം ബത്രയുടെ സംഭവബഹുലമായ സൈനിക സേവനവും സ്വകാര്യ ജീവിതവും ആസ്പദമാക്കി എടുത്ത ചിത്രമാണ് ഷേർഷാ. ആമസോൺ പ്രൈമിൽ ഏറ്റവും കൂടുതൽ പേർ കണ്ട സിനിമ എന്ന നേട്ടവും ഈ സിനിമ സ്വന്തമാക്കി. വെറും ഇരുപത്തിയഞ്ച് വയസ്സ് പ്രായം മാത്രമുള്ള വിക്രം ബത്രയുടെ ജീവിതം അതേപോലെ ബിഗ് സ്‌ക്രീനിൽ എത്തിക്കാൻ സംവിധായകനും അണിയറ പ്രവർത്തകർക്കും സാധിച്ചു. ഒരുപാട് ബയോപിക് ഇറങ്ങുന്ന ബോളിവുഡ് ഇന്ഡസ്ട്രിയെ സംബന്ധിച്ച് ഈ സിനിമ പുതുമയുള്ള ഒന്നായിരിക്കില്ല. എന്നാൽ സ്ഥിരം ബയോപിക് ഫോർമുലകളിൽ നിന്ന് മാറി വ്യത്യസ്തമായ രീതിയിൽ അവതരിപ്പിച്ചു കയ്യടി നേടാൻ സിനിമയ്ക്ക് കഴിഞ്ഞിട്ടുണ്ട്. യഥാർത്ഥ ജീവിതത്തോട് നൂറു ശതമാനം നീതി പുലർത്തിയുള്ള കഥ പറച്ചിൽ രീതിയും അഭിനേതാക്കളുടെ അതിഗംഭീര പ്രകടനവും കൊണ്ട് സിനിമ ശ്രദ്ധയാകർഷിക്കുന്നു.

സിദ്ധാർത്ഥ് മൽഹോത്ര, കിയാറാ അദ്വാനി എന്നിവർ തങ്ങളുടെ കഥാപാത്രങ്ങളെ പരിപൂർണതയിൽ എത്തിച്ചു. രണ്ടുപേരും തമ്മിലുള്ള കെമിസ്ട്രി നല്ല രീതിയിൽ തന്നെ വർക്ക് ഔട്ട് ആയിട്ടുണ്ട്. അത് സിനിമയിലെ അവരുടെ പെർഫോമൻസ് ശ്രദ്ധിച്ചാൽ മനസിലാവും. അതേപോലെ ഛായാഗ്രഹണവും, സംഗീതവും ഒരേപോലെ മികവ് പുലർത്തി. കാശ്മീർ താഴ്വരകളുടെ രൗദ്ര ഭാവം ഒട്ടും ചോർന്ന് പോകാതെ പകർത്തിയ ഗംഭീര വിഷ്വൽസ് സിനിമയെ നിലവാരമുള്ള അനുഭവം ആക്കി മാറ്റുന്നുണ്ട്. വിക്രം ബത്ര എന്ന രാജ്യസ്നേഹിയായ പട്ടാളക്കാരന്റെ ജീവിതം ഓരോ ഇന്ത്യക്കാരനും കണ്ടറിയണം. അദ്ദേഹത്തിന്റെ ജീവിതം വരും തലമുറയിലെ യുവാക്കൾക്ക് തീർച്ചയായും പ്രചോദനമാണ്. അതുകൊണ്ട് ഒരിക്കലും ഈ സിനിമ നഷ്ടപ്പെടുത്തരുത്.

Hats Off Captain Vikram Batra
The Nation Respect You

#Naaz373