THITTAM IRANDU - PLAN B (2021) TAMIL MOVIE REVIEW

 

🎬 THITTAM IRANDU - PLAN B (2021)

🎥  A FILM BY VIGNESH KARTHIK

വ്യത്യസ്തമാർന്ന കഥാപാത്രങ്ങൾ ചെയ്‌ത് ചുരുങ്ങിയ കാലം കൊണ്ട് ശ്രദ്ധ നേടിയ നടിയായ ഐശ്വര്യ രാജേഷ് ആദ്യമായി മുഴുനീള പോലീസ് റോളിൽ എത്തിയ ചിത്രമാണ് തിട്ടം ഇരണ്ട് - പ്ലാൻ ബി.

തീർത്തും ക്ലിഷേ രീതിയിൽ തുടങ്ങിയ സിനിമ, പക്ഷേ അവസാനിക്കുമ്പോൾ പ്രേക്ഷകരെ കൊണ്ടെത്തിക്കുന്നത് മാരകവും ഗംഭീരവുമായ എന്നാൽ ഒട്ടും പ്രെഡിക്റ്റബിൾ അല്ലാത്ത വിധത്തിലുള്ള, നമ്മുടെ ചില കാര്യങ്ങളിലെ കാഴ്ചപ്പാട് തന്നെ തിരുത്തിയെഴുതി കൊണ്ടാണ് എന്ന് പറഞ്ഞാൽ അതിൽ തീരെ അതിശയോക്തി കാണില്ല. അത്രയ്ക്ക് ഗംഭീരമാണ് സിനിമയുടെ അവസാന നിമിഷങ്ങൾ. അതിൽ തന്നെ പ്രേക്ഷകർക്ക് വിട്ടുകൊടുത്ത ടെയിൽ എൻഡ് ആണ് എനിക്ക് കൂടുതൽ സിനിമയെ പ്രിയപ്പെട്ടതാക്കി മാറ്റിയത്.

മാറേണ്ടത് മനുഷ്യൻ അല്ല. അവൻ കാലാകാലങ്ങളായി ഈ സമൂഹത്തിൽ ഉണ്ടാക്കി വെച്ചിരിക്കുന്ന ചില കാഴ്ചപ്പാടുകളും ചിന്താ രീതികളുമാണ് എന്ന് ഈ സിനിമ അടിവരയിട്ട് പറയുന്നുണ്ട്. ഒരു ക്രൈം ത്രില്ലർ എന്നതിലുപരി എല്ലാവരും മനസ്സിലാക്കേണ്ടതും അതിനനുസരിച്ച് മാറി ചിന്തിക്കേണ്ടതുമായ സാമൂഹിക പ്രസക്തിയും പ്രധാന്യവുമുള്ള മെസ്സേജ് കൂടി സിനിമ മുന്നോട്ടു വെക്കുന്നുണ്ട്. അതുകൊണ്ട് തന്നെ തീർച്ചയായും കണ്ടിരിക്കേണ്ട സിനിമകളിൽ ഈ ചിത്രത്തെയും ഉൾപെടുത്താം.

HIGHLY APPRECIABLE THE EFFORTS
HIGHLY RECOMMENDED THIS MOVIE FOR ALL

#Naaz373