MAANAADU (2021) MOVIE REVIEW

 

🎥 MAANAADU (2021)
A VENKAT PRABHU POLITICS

മറ്റേത് ഫിലിം ഇൻഡസ്ട്രികളെ വെച്ചു നോക്കിയാലും അതിവേഗം വളർന്നു കൊണ്ടിരിക്കുന്ന മേഖലയാണ് തമിഴ് സിനിമാ മേഖല അഥവാ കോളിവുഡ് ഇൻഡസ്ട്രി. മേക്കിങ് മികവ്, കണ്ടന്റ് ക്വാളിറ്റി, ടെക്നിക്കൽ സൈഡ്, ബാക്ക്ഗ്രൗണ്ട് സ്കോറിങ് തുടങ്ങി എല്ലാ തലങ്ങളിലും അവരുടേതായ കയ്യൊപ്പ് പതിപ്പിക്കാൻ അവർക്ക് കഴിഞ്ഞിട്ടുണ്ട്. അതിന്റെ ഏറ്റവും ഒടുവിലെ ഗംഭീര ഉദാഹരണമാണ് ഈ ചിത്രം.

സിനിമയിലേക്ക്...
STR, കല്യാണി പ്രിയദർശൻ, എസ് ജെ സൂര്യ, സതീഷ്, പ്രേംജി അമരൻ തുടങ്ങിയവർ അഭിനയിച്ച വെങ്കട് പ്രഭു സിനിമയാണ് മാനാട്. ടൈം ലൂപ് എന്ന സങ്കീർണമായ കൺസെപ്റ്റ് സാധാരണ പ്രേക്ഷകർ ക്ക് വരെ മനസ്സിലാവുന്ന രീതിയിൽ ഏറ്റവും സിംപിളായി സംവിധായകൻ അവതരിപ്പിക്കാൻ കഴിഞ്ഞത് തന്നെയാണ് ഈ സിനിമയുടെ വിജയം. അതിനോടൊപ്പം അഭിനേതാക്കളുടെ മികവാർന്ന പ്രകടനം കൂടി ഒത്തു ചേരുമ്പോൾ സിനിമ നൽകുന്ന ആസ്വാദന നിലവാരം പറഞ്ഞറിയിക്കാൻ കഴിയില്ല. അത് കണ്ടു തന്നെ എൻജോയ് ചെയ്യുക.

അബ്ദുൽ ഖാലിക് എന്ന ചെറുപ്പക്കാരൻ ദുബായിൽ നിന്നും ഒരു പ്രത്യേക ലക്ഷ്യത്തോടെ നാട്ടിലേക്ക് വരുന്നതും അതേ ദിവസം അയാളുടെ ജീവിതത്തിൽ നടക്കുന്ന അസാധാരണ സംഭവങ്ങളുമാണ് സിനിമയുടെ പ്രമേയം. നായകനേക്കാൾ കയ്യടി നേടുന്നത് വില്ലനായി പൂണ്ട് വിളയാടിയ എസ് ജെ സൂര്യയുടെ ധനുഷ്കോടി എന്ന പൊലീസ് ഓഫിസറാണ്. വന്താൻ, സുട്ടാൻ, പോണൻ, റിപ്പീറ്റ്... ഈ ഡയലോഗ് ഡെലിവറി സിനിമ കഴിഞ്ഞാലും നമ്മുടെ മനസ്സിൽ നിന്ന് അത്ര പെട്ടെന്ന് പോകില്ല. ഒരേസമയം സീരിയസ് റോളും കോമഡിയും അദ്ദേഹം എത്ര നിസാരമായി കൈകാര്യം ചെയ്തിരിക്കുന്നു. തന്നിലെ നടനെ തേച്ചുമിനുക്കി മൂർച്ച കൂട്ടാൻ എസ് ജെ സൂര്യ എന്ന നടൻ തന്റെ ഓരോ സിനിമയിലും തെളിയിച്ചു കൊണ്ടിരിക്കുന്ന മനോഹരമായ കാഴ്ച അദ്ദേഹത്തെ ഇഷ്ടപ്പെടുന്ന എല്ലാവരും ആസ്വദിച്ചു കാണുന്നു.

ടൈം ലൂപ്പ് ആശയം, അത് അവതരിപ്പിച്ച രീതി, മേക്കിംഗ് മികവ്, യുവൻ ശങ്കർ രാജയുടെ മ്യൂസിക് ആൻഡ് ബാക്ക്ഗ്രൗണ്ട് സ്കോർ, റിച്ചാർഡിന്റെ ക്യാമറ ആൻഡ് വിഷ്വൽസ്, കയ്യടക്കത്തോടെ എഴുതിയ വെങ്കട് പ്രഭുവിന്റെ തിരക്കഥ ഇവയൊക്കെയാണ് സിനിമയുടെ പോസിറ്റീവ് ആയി നിലകൊണ്ടത്. നെഗറ്റീവ് പറയാൻ എന്നിലെ പ്രേക്ഷകന് ഒന്നും തന്നെ കിട്ടിയില്ല. അതുകൊണ്ട് വെറൈറ്റി ആഗ്രഹിക്കുന്ന പ്രേക്ഷകന് മാനാട് ഒരിക്കലും മറക്കാൻ കഴിയാത്ത അനുഭവം തന്നെയായിരിക്കും. എന്തായാലും വെങ്കട് പ്രഭു, ചിമ്പു എന്നിവരുടെ വൻ തിരിച്ചു വരവ് കൂടിയായി സിനിമ മാറി. ആകെ നഷ്ടമായി തോന്നിയത് തിയേറ്റർ എക്‌സ്പീരിയൻസ് മാത്രം.

HIGHLY RECOMMENDED FOR EVERY CINEPHILE

#Naaz373 😊