SITA RAMAM (2022) MOVIE REVIEW

 

🎥 Sita Ramam (2022)
A Film by Hanu Raghavapudi

ദുൽഖർ സൽമാൻ, രശ്മിക മന്ദന, മൃണാൾ താക്കൂർ, തുടങ്ങി തെലുങ്കിലെ വലിയൊരു താരനിര അണിനിരന്ന ചിത്രം, ദുൽഖറിന്റെ കുറുപ്പിന് ശേഷമുള്ള പാൻ ഇന്ത്യൻ സിനിമ എന്ന നിലയിൽ സീത രാമം ഒരുപാട് പ്രതീക്ഷ നൽകിയ സിനിമ ആയിരുന്നു. എന്നാൽ പൊതുവെ പ്രണയ ചിത്രങ്ങളോട് ആഭിമുഖ്യം ഇല്ലാത്ത ഞാൻ കുറച്ചു മടിയോടെയാണ് സിനിമ കാണാൻ ഇരുന്നത്.

റാം എന്ന സൈനികന്റെ ജീവിതത്തിലൂടെ യാത്ര തുടങ്ങിയ സിനിമ മെല്ലെ അയാളുടെ പ്രണയവും അതിനെ തുടർന്ന് അയാളുടെ ജീവിതത്തിൽ സംഭവിക്കുന്ന കാര്യങ്ങളും ഒക്കെയായി വളരെ പതിഞ്ഞ രീതിയിൽ മുന്നോട്ടു പോയപ്പോൾ ഞാൻ കരുതി ഇതും സ്ഥിരം കണ്ടു മടുത്ത ലൗ സ്റ്റോറി തന്നെ ആയിരിക്കും എന്നാണ്.
പക്ഷേ...

എനിക്ക് തീരെ താൽപ്പര്യം ഇല്ലാത്ത നടിമാരിൽ ഒരാളായിരുന്നു രാശ്മിക മന്ദാന. ഈ സിനിമ കാണുന്നത് വരെ. എന്നാൽ അവരുടെ ഈ സിനിമയിലെ പ്രകടനം കണ്ടപ്പോൾ അക്ഷരാർത്ഥത്തിൽ ഞെട്ടിപ്പോയി. സിനിമ തുടങ്ങുമ്പോൾ ഒരു കാർ കത്തിക്കുന്ന രംഗമുണ്ട്. എജ്ജാതി സ്ക്രീൻ പ്രെസെൻസ്, ഡയലോഗ് ഡെലിവറി, മികച്ച മാനറിസങ്ങൾ ഇവയെല്ലാം കൊണ്ട് ശരിക്കും ഞെട്ടിച്ചു കളഞ്ഞു. അപ്പോൾ എനിക്ക് തോന്നി സിനിമ ക്വാളിറ്റി ഉള്ളതാണെന്ന്. പിന്നെ ഞെട്ടിയത് ഇന്റർവെൽ സീനിലാണ്. കൂടാതെ ദുൽഖർ - മൃണാൾ കോംബോ പൊളി ആയിരുന്നു. അവർ തമ്മിലുള്ള കെമിസ്ട്രി തന്നെയാണ് സിനിമയുടെ വിജയ രഹസ്യം.

പ്രകടനങ്ങൾ കൊണ്ട് എല്ലാവരും മികച്ചു നിന്നപ്പോൾ ഡബ്ബിങ് കൊണ്ട് ഞെട്ടിച്ചത് ദുൽഖർ ആയിരുന്നു. സ്വന്തമായി മൂന്ന് ഭാഷകളിൽ ഗംഭീരമായി അദ്ദേഹം റാമിന് വേണ്ടി ശബ്ദം നൽകി. അതെല്ലാം തന്നെ ഗംഭീരം. വിശാൽ ചന്ദ്രശേഖർ  ഒരുക്കിയപാട്ടുകളും മനോഹരം. കണ്ണിന് കുളിർമ നൽകുന്ന ഒരുപാട് വിഷ്വൽസ് സിനിമയിൽ ഉടനീളം കാണാം. കശ്മീരിന്റെ സൗന്ദര്യം അതേപടി ഒപ്പിയെടുത്ത ക്യാമറ കണ്ണുകൾ അഭിനന്ദനം അർഹിക്കുന്നു.

ആകെ മൊത്തത്തിൽ ഒന്ന് കണ്ടാൽ ചിലപ്പോൾ വീണ്ടും കാണാൻ തോന്നിപ്പിക്കുന്ന തരത്തിലുള്ള കഥ പറച്ചിലും അവതരണ രീതിയും സിനിമയെ മറ്റ് പ്രണയ ചിത്രങ്ങളിൽ നിന്നും വ്യത്യസ്തമാക്കുന്നു. ഏത് ഡബ്ബിങ് വേർഷൻ കണ്ടാലും ബോർ അടിക്കില്ല. പാട്ടുകൾ പോലും ഒന്നിനൊന്നു മെച്ചം.

96 ശേഷം അതേ ഫീൽ നൽകിയ മറ്റൊരു മികച്ച സിനിമ. രണ്ടേമുക്കാൽ മണിക്കൂർ ദൈർഘ്യം സിനിമയെ ഒരു തരത്തിലും ബാധിക്കുന്നില്ല.

LAST WORD:- DON'T JUDGE A BOOK BY IT'S COVER 💯

#Naaz373 😊