Vadhandhi: The Fable of Velonie (2022) Amazon Original Series Review

 

🎥 Vadhandhi : The Fable of Velonie
An Amazon Original Series by Andrew Louis

എസ്.ജെ സൂര്യ, നാസർ, ലൈല, വിവേക് പ്രസന്ന, ഹരീഷ് പേരാടി തുടങ്ങി വലിയൊരു താരനിരയിൽ ആമസോൺ പ്രൈമിലൂടെ പുറത്തിറങ്ങിയ ഏറ്റവും പുതിയ ഇൻവെസ്റ്റിഗേഷൻ ത്രില്ലർ സീരീസ് ആണിത്.

ഒരു മണിക്കൂറിന് അടുത്ത് ദൈർഘ്യം വരുന്ന എട്ട് എപ്പിസോഡുകളാണ് ഈ സീരിസിന് ഉള്ളത്. ഒരു ക്രൈം ഇൻവെസ്റ്റിഗേഷൻ ത്രില്ലർ ആവശ്യപ്പെടുന്ന ചേരുവകൾ എല്ലാം ഉൾപ്പെടുത്തിയാണ് ഈ സീരീസ് നിർമിച്ചിരിക്കുന്നത്. സ്ലോ പേസിൽ തുടങ്ങുന്നു എങ്കിലും ഓരോ എപ്പിസോഡ് കഴിയും തോറും സസ്പെൻസ് അവസാനം വരെ നിലനിർത്തി കൊണ്ട് തന്നെ കഥ പറയാനും എന്നാൽ അതേ സമയം ചിലയിടങ്ങളിൽ പ്രേക്ഷകർക്ക് വളരെ എളുപ്പത്തിൽ പ്രെഡിക്ട് ചെയ്യാനും സാധിക്കും. പക്ഷേ അത് ഒരിക്കലും ആസ്വാദനത്തിന് തടസ്സം ആവുന്നില്ല. എന്ന് മാത്രമല്ല അഭിനേതാക്കളുടെ മികച്ച പെർഫോമൻസ് കൊണ്ട് പോരായ്മകൾ ഒക്കെ മറന്നു പോയി. ടൈറ്റിൽ റോൾ കൈകാര്യം ചെയ്‌ത സഞ്ജന എന്ന പെൺകുട്ടിയുടെ പെർഫോമൻസ് ചിലയിടത്ത് കല്ലുകടിയായി തോന്നിയെങ്കിലും അവതരണ ശൈലി കൊണ്ട് അതിനെയെല്ലാം മറികടക്കാനും ഒടുവിൽ വരെ എൻഗേജിങ് ആയി കൊണ്ട് പോകാനും സംവിധായകന് സാധിച്ചു.

ടെക്നിക്കൽ വശങ്ങൾ നോക്കിയാൽ ഛായാഗ്രഹണം, ബിജിഎം, എഡിറ്റിംഗ് മേഖലകളും മികവ് പുലർത്തി. ത്രില്ലറുകൾ ഇഷ്ടമുള്ളവർക്ക് ധൈര്യമായി കാണാവുന്ന സീരിസാണ് ഇത്. കൂടാതെ സാമൂഹിക പ്രസക്തിയുള്ള ഒരു വിഷയം കൂടി ഈ സീരീസ് ചർച്ച ചെയ്യുന്നുണ്ട്. വർത്തമാന കാല മാധ്യമങ്ങളെ നല്ല രീതിയിൽ വിമർശിക്കുന്നതിനൊപ്പം വാർത്തകളിലെ നെല്ലും പതിരും വേർതിരിച്ചറിയാനും, മാധ്യമങ്ങൾ എത്രത്തോളം സാധാരണക്കാരിൽ സ്വാധീനം ചെലുത്തുന്നുവെന്നും പ്രേക്ഷകനെ അതേപ്പറ്റി ചിന്തിപ്പിക്കാനും അണിയറ പ്രവർത്തകർക്ക് കഴിഞ്ഞിട്ടുണ്ട് എന്ന് നിസംശയം പറയാം.

സുഴൽ എന്ന സീരിസിന് ശേഷം ആമസോണിൽ നിന്നും വരുന്ന മറ്റൊരു മികച്ച സീരിസാണ് വദന്തി.

#Naaz373 😊