CONNECT (2022) MOVIE REVIEW

 

🎥 Connect (2022)
A Film by Ashwin Saravanan

മായ, ഗെയിം ഓവർ എന്നീ മികച്ച സിനിമകൾക്ക് ശേഷം അശ്വിൻ ശരവണൻ സംവിധാനം ചെയ്ത ഏറ്റവും പുതിയ ചിത്രം ആണ് കണക്റ്റ്. കോവിഡ് ലോക്ക് ഡൗണ് കാലത്ത് ഒരു വീട്ടിൽ നടക്കുന്ന ചില അസാധാരണ സംഭവങ്ങളാണ് സിനിമയുടെ പ്രമേയം. ഹൊറർ ത്രില്ലറുകളിൽ തന്റേതായ ശൈലി പിന്തുടരുന്ന ഒരു സംവിധായകനിൽ നിന്നും തീർത്തും നിരാശ സമ്മാനിച്ച സിനിമ എന്ന് പറയേണ്ടി വരുന്ന ചിത്രം. കണ്ടു പഴകിയ കഥയും ആവർത്തന വിരസത തോന്നിക്കുന്ന കഥാ പശ്ചാത്തലവുമാണ് സിനിമയിൽ ഉടനീളം കാണാൻ കഴിയുന്നത്. അതുകൊണ്ട് തന്നെ ഒന്നര മണിക്കൂർ മാത്രം ദൈർഘ്യം ഉണ്ടായിട്ടും സിനിമ നല്ല ലാഗ് ഫീൽ ചെയ്യിപ്പിച്ചു.

നയൻതാര, സത്യരാജ്, അനുപം ഖേർ തുടങ്ങി വലിയൊരു താരനിര ഉണ്ടായിട്ടും വേണ്ട വിധത്തിൽ ഉപയോഗിക്കാൻ കഴിയാതെ പോയ ഒരു ശ്രമം മാത്രമായി സിനിമ ഒതുങ്ങി പോയി.

അശ്വിൻ ശരവണൻ എന്ന സംവിധായകന്റെ തന്നെ മുൻ ചിത്രങ്ങളെ വെച്ചു നോക്കുമ്പോൾ ഒരു പ്രേക്ഷകൻ എന്ന നിലയിൽ ഞാൻ ഒരുപാട് പ്രതീക്ഷയോടെയാണ് സിനിമയെ സമീപിച്ചത്. എന്നിട്ടും ശരാശരിയിലും താഴെ നിൽക്കുന്ന ഒരു അനുഭവം മാത്രമായി സിനിമ മാറി.

നയൻതാര ഇനിയെങ്കിലും ഒരേ ട്രാക്കിൽ ഓടുന്ന പരിപാടി നിർത്തണം. ഒരേ ടൈപ്പ് റോളുകളിൽ കണ്ടു മടുത്തു. ലേഡി സൂപ്പർസ്റ്റാർ എന്നൊക്കെ എന്ത് കണ്ടിട്ടാണ് വിളിക്കുന്നത് എന്ന് എനിക്ക് ഇതുവരെ മനസിലായിട്ടില്ല. ആ ലേബലിൽ തന്നെയാണ് സിനിമ വരുന്നതും.

എന്തായാലും പേര് പോലെ പ്രേക്ഷകനുമായി കണക്റ്റ് ആകാതെ പോകുന്ന സിനിമയായി മാത്രമേ എനിക്ക് അനുഭവപ്പെട്ടുള്ളൂ.

ധാരാളം സമയം ഉള്ളവർക്ക് കണ്ടു നോക്കാം. ഞാൻ എന്തായാലും ഈ സിനിമ റെക്കമന്റ് ചെയ്യില്ല. കാരണം എല്ലാവർക്കും സമയം വളരെ വിലപ്പെട്ടതാണ്. ലേഡി സൂപ്പർസ്റ്റാർ ന്റെ തിരിച്ചു വരവിനായി ഇനിയും കാത്തിരിക്കേണ്ടി വരും.

#Naaz373 😊