Christopher ( 2023 ) - Movie Review

 

🎥 Christopher (2023)

A Film by B. Unnikrishnan 

മമ്മൂട്ടി, സിദ്ദിഖ്, സ്നേഹ, വിനയ് കുമാർ, അമല പോൾ തുടങ്ങി വലിയൊരു താരനിരയിൽ ബി. ഉണ്ണിക്കൃഷ്ണൻ തന്റെ കരിയറിലെ തന്നെ ഏറ്റവും മോശം സിനിമയ്ക്ക് ശേഷം ഉക്രി അഥവാ ഉദയ - കൃഷ്ണ കോംബോയിൽ തിരക്കഥ ഒരുക്കി സംവിധാനം ചെയ്തു തിയേറ്റർ റിലീസായി പുറത്തിറങ്ങിയ സിനിമ ആയിരുന്നു ക്രിസ്റ്റഫർ.

സിനിമ പറയുന്നത് ടൈറ്റിൽ റോളിൽ മമ്മൂക്ക അവതരിപ്പിക്കുന്ന ക്രിസ്റ്റഫർ എന്ന പൊലീസ് ഉദ്യോഗസ്ഥന്റെ വ്യക്തിപരമായ ജീവിതവും, അയാളുടെ കരിയറിൽ അയാൾ നേരിടുന്ന പ്രശ്‌നങ്ങളും തുടർ സംഭവങ്ങളുമാണ്. കൂടാതെ സാമൂഹിക പ്രസക്തിയുള്ള മറ്റൊരു വിഷയം കൂടി സിനിമ ചർച്ച ചെയ്യുന്നുണ്ട്. അതിനെക്കുറിച്ചു കൂടുതൽ പറഞ്ഞു നിങ്ങളുടെ ആസ്വാദനം തടസ്സപ്പെടുത്തുന്നില്ല.

പോസിറ്റീവ്

മമ്മൂട്ടി എന്ന നടൻ തന്നെയാണ് സിനിമയുടെ പ്രധാന പോസിറ്റീവ് എന്ന് പറയാവുന്ന പെർഫോമൻസ്. ശരാശരി യോ അതിന് താഴെയോ നിൽക്കുന്ന തിരക്കഥയെ കുറച്ചെങ്കിലും എൻഗേജിങ് ആക്കുന്ന ഘടകം മമ്മൂക്കയുടെ പ്രകടനമികവ് തന്നെയാണ്. ഒപ്പം സിനിമയുടെ തീം ആയി യൂസ് ചെയ്‌ത ബിജിഎം സിനിമ യെ ചില ഘട്ടങ്ങളിൽ നന്നായി എലിവേറ്റ് ചെയ്യാൻ സഹായിക്കുന്നുണ്ട്. ജസ്റ്റിൻ വർഗീസ് ഒരുക്കിയ പശ്ചാത്തല സംഗീതം, ഫായിസ് സിദ്ധിഖിന്റെ ഛായാഗ്രഹണം എടുത്ത് പറയേണ്ട മറ്റൊരു പ്രധാന ആകർഷണം ആണ്. കണ്ടുമടുത്ത കഥയും കഥാപാത്രങ്ങളും ആണെങ്കിൽ പോലും പ്രേക്ഷകനെ അത് ഒരുപരിധിവരെ ഫീൽ ചെയ്യിപ്പിക്കാത്തത് സിനിമയുടെ ഇപ്പറഞ്ഞ ചില ഘടകങ്ങൾ കൊണ്ട് കൂടിയാണ്.

നെഗറ്റീവ്സ്

ബിജിഎം നന്നായിരുന്നു എങ്കിൽ കൂടിയും എല്ലായിടത്തും എല്ലായ്പ്പോഴും ഒരേ ബിജിഎം റിപ്പീറ്റ് ചെയ്തു പ്ലേസ് ചെയ്തത് ചിലപ്പോൾ എങ്കിലും അരോചകമായി തോന്നി. അനാവശ്യ പാട്ടുകൾ ഇല്ലാതിരുന്നത് അതുകൊണ്ട് തന്നെ നന്നായി തോന്നി. എന്നിരുന്നാലും ബിജിഎം വിഭാഗം കുറേക്കൂടി നന്നാക്കാമായിരുന്നു. അതുപോലെ തന്നെ സിനിമയുടെ തിരക്കഥ, തീരെ സസ്പെൻസ് ജനിപ്പിക്കാത്ത വിധത്തിലാണ് എഴുതിയിരിക്കുന്നത്, അതുപോലെ പ്രേക്ഷകന് വളരെ ഈസിയായി പ്രെഡിക്ട് ചെയ്യാൻ കഴിയുന്ന തരത്തിലുള്ള കഥാ സന്ദർഭങ്ങൾ ആയതുകൊണ്ട് സിനിമയ്ക്ക് അതിന്റെ ത്രില്ലർ മൂഡ് എത്രത്തോളം കൊണ്ട് വരാൻ കഴിഞ്ഞു എന്ന കാര്യവും സംശയം ആണ്. പ്രേക്ഷകനെ സിനിമയുമായി കണക്റ്റ് ചെയ്യിക്കാൻ സിനിമയ്ക്ക് കഴിയാതെ പോകുന്നു.

എന്റെ അഭിപ്രായം

ബി. ഉണ്ണിക്കൃഷ്ണൻ എന്ന സംവിധായകന്റെ ഭേദപ്പെട്ട ഒരു സിനിമ എന്ന് പറയാം എങ്കിലും ഒരു ഗംഭീര സിനിമ എന്ന അഭിപ്രായം എനിക്കില്ല. മേക്കിങ്ങിൽ കൊണ്ട് വന്ന ചില പുതുമ ഒഴിച്ചു നിർത്തിയാൽ ശരാശരി യോ അതിന് മുകളിലോ നിൽക്കുന്ന അനുഭവം മാത്രം ആയി ഒതുങ്ങി പോകുന്ന സിനിമയാണ് ക്രിസ്റ്റഫർ. സമയം ഉണ്ടെങ്കിൽ കണ്ടുനോക്കാം.

#Naaz373 😊

Movie Info :-

Directed by: B. Unnikrishnan.

Written by: Udaykrishna.

Produced by: B. Unnikrishnan.

Starring: Mammootty.

Cinematography: Faiz Siddik.

Edited by: Manoj.

Music by: Justin Varghese.

Production company: RD Illuminations.

Release date: 9 February 2023.

Running time: 150 minutes.

Country: India.

Language: Malayalam

Movie info source : Wikipedia.

 

Christopher Movie Download / Watch trailer on https://youtu.be/R3v_s95LPaw