DADA (2023) - Movie Review

  

🎥 DADA  (2023)

A Film by Ganesh K Babu

കെവിൻ രാജ്, അപർണ ദാസ്, വിടിവി ഗണേഷ്, ഭാഗ്യരാജ്, ഐശ്വര്യ ഭാസ്‌കരൻ തുടങ്ങിയവർ അഭിനയിച്ച് തിയേറ്റർ റിലീസായി പുറത്തിറങ്ങിയ സിനിമയാണ് ദാദ. പ്രതീക്ഷിക്കാത്ത നേരത്ത് ചില സർപ്രൈസ് ഹിറ്റുകൾ തന്ന് ഞെട്ടിക്കുന്ന ഫിലിം ഇൻഡസ്ട്രിയാണ് കോളിവുഡ് ഫിലിം ഇൻഡസ്ട്രി. ലൗ ടുഡേയ്ക്ക് ശേഷം അത്തരമൊരു സർപ്രൈസ് ഹാപ്പിനെസ് സമ്മാനിച്ച ഫീൽഗുഡ് സിനിമ. വൻ താരനിരയോ അറിയപ്പെടുന്ന അണിയറ പ്രവർത്തകരോ ഒന്നുമില്ലാതെ തന്നെ സിനിമയുടെ ക്വാളിറ്റി ഒന്നുകൊണ്ടു മാത്രം ഒരു ഗംഭീര സിനിമനുഭവമാണ് ദാദ എന്ന് നിസ്സംശയം പറയാം.

പോസിറ്റീവ്സ്

ഗണേഷ് കെ ബാബു എന്ന സംവിധായകന്റെ കെട്ടുറപ്പുള്ള തിരക്കഥയും സംവിധാന മികവും തന്നെയാണ് സിനിമയുടെ നട്ടെല്ല്. അതോടൊപ്പം അഭിനേതാക്കളുടെ മികവുറ്റ പെർഫോമൻസ് കൂടിയായപ്പോൾ സിനിമ വേറെ ലെവൽ. അതിൽ തന്നെ എടുത്ത് പറയേണ്ടത് പ്രധാന കഥാപാത്രങ്ങളെ അവതരിപ്പിച്ച കെവിൻ, അപർണ എന്നിവരാണ്. ഞാൻ ആദ്യമായാണ് ഇവരുടെ രണ്ടുപേരുടെയും സിനിമ കാണുന്നത്. മറ്റ് സിനിമകൾ ഇവർ ചെയ്തിട്ടുണ്ട് എങ്കിലും ഇതിന് മുമ്പ് അങ്ങനെ ശ്രദ്ധിച്ചിട്ടില്ല എന്ന് തന്നെ പറയാം. പക്ഷേ ഈയൊരൊറ്റ സിനിമ കൊണ്ട് ഇനിയൊരിക്കലും ഇവരെ ഞാൻ മറക്കില്ല. എജ്ജാതി ഗംഭീര പെർഫോമൻസ്. സത്യത്തിൽ ഇവർ റിയൽ ലൈഫ് ജോഡികൾ ആണെന്ന് തോന്നിപ്പിക്കുന്ന തരത്തിലുള്ള പ്രകടന മികവ്. അത് സിനിമയെ പ്രേക്ഷകനുമായി കണക്റ്റ് ചെയ്യിക്കുന്ന പ്രധാന ഘടകം ആയി മാറി. അതേപോലെ ജെൻ മാർട്ടിൻ ഒരുക്കിയ പാട്ടുകളും, ബിജിഎം സിനിമയുടെ മൂഡിന് ചേർന്ന് നിന്നപ്പോൾ ഏഴിൽ അരസിന്റെ വിഷ്വൽസ് സിനിമയെ കൂടുതൽ ഹൃദ്യമാക്കി മാറ്റി. ക്യാമറയ്ക്ക് മുന്നിലും പിന്നിലുമായി പണിയെടുത്തവർ എല്ലാവരും പ്രത്യേക അഭിനന്ദനം അർഹിക്കുന്നു. 

നെഗറ്റീവ്സ്

രണ്ടാം പകുതിയിൽ  അനുഭവപ്പെട്ട കഥയുടെ മെല്ലെപ്പോക്ക് ചെറിയ രീതിയിൽ സിനിമയെ പിന്നോട്ട് വലിച്ചതായി തോന്നിയെങ്കിൽ കൂടിയും അത് ഒരു വലിയ പോരായ്മയായി കാണേണ്ടതില്ല. എന്നിരുന്നാലും രണ്ടു മണിക്കൂർ കൊണ്ട് സിനിമ കഥ പറഞ്ഞു അവസാനിപ്പിക്കുന്നുണ്ട്. 

എന്റെ അഭിപ്രായം

ഇത് മാറുന്ന സിനിമയുടെ കാലമാണ്. വമ്പൻ താരനിരയിൽ വരുന്ന ചിത്രങ്ങൾ നിരാശപ്പെടുത്തുമ്പോൾ ഇത്തരം ചെറിയ സിനിമകളാണ് തിരശീലയിൽ അത്ഭുതം സൃഷ്ടിക്കുന്നത്. മലയാളത്തിലും സ്ഥിതി വ്യത്യസ്തമല്ല. അത്തരത്തിൽ ചെറിയ രീതിയിൽ വന്ന എന്നാൽ വളരെ വലിയ കാര്യങ്ങൾ പറയുന്ന തീർച്ചയായും കാണേണ്ട സിനിമ തന്നെയാണ് ദാദ.

#Naaz373 😊

Movie Info :-

Directed by: Ganesh K. Babu

Written by: Ganesh K. Babu

Produced by: S. Ambeth Kumar

Starring: Kavin, Aparna Das, VTV Ganesh

Cinematography: Ezhil Arasu K.

Edited by: Kathiresh Alagesan

Music by: Jen Martin

Production company: Olympia Movies

Release date: 10 February 2023

Running time: 135 minutes

Country: India.

Language: Tamil

Movie info source : Wikipedia.

 

 DADA Movie Download / Watch trailer on https://youtu.be/23mMdgo0prk