Rekha (2023) - Movie Review

 

 

🎥 രേഖ (2023)

സംവിധാനം:- ജിതിൻ ഐസക് തോമസ്

തമിഴിലെ പ്രസിദ്ധ സംവിധായകനായ കാർത്തിക് സുബ്ബരാജ് നിർമാണം നിർവഹിച്ചു വിൻസി അലോഷ്യസ്, ഉണ്ണി ലാലു, വിഷ്ണു ഗോവിന്ദൻ തുടങ്ങിയവർ അഭിനയിച്ചു ഈ വർഷം പുറത്തിറങ്ങിയ സിനിമയാണ് രേഖ. വിൻസി അലോഷ്യസ് രേഖയെന്ന ടൈറ്റിൽ റോളിൽ വന്ന സിനിമ പറയുന്നതും രേഖ എന്ന പെണ്കുട്ടിയുടെ ജീവിതവും, അവളുടെ പ്രണയവും അതിന്റെ തുടർച്ചയായി അവളുടെ കുടുംബത്തിലും ജീവിതത്തിലും ഉണ്ടാകുന്ന സംഘർഷഭരിതമായ സംഭവങ്ങളുമാണ് സിനിമയുടെ പ്രമേയം.

പോസിറ്റീവ്സ്

വിൻസിയുടെ ഗംഭീര പെർഫോമൻസ് തന്നെയാണ് സിനിമയുടെ ഹൈലൈറ്റ്. രേഖ എന്ന കഥാപാത്രം വിൻസിയുടെ കരിയറിലെ തന്നെ ഏറ്റവും വ്യത്യസ്തമായതും വെല്ലുവിളി നിറഞ്ഞതുമായിരിക്കും. അതുപോലെ ആദ്യമായി സ്ക്രീനിൽ കാണുന്ന കുറേപ്പേർ കൂടിയുണ്ട് സിനിമയിൽ. ചെറിയ റോളുകൾ ചെയ്തവർ പോലും മികച്ച പ്രകടനം കാഴ്ച വെച്ചിട്ടുണ്ട്. സ്ക്രിപ്റ്റിങ്ങും നന്നായിരുന്നു.

നെഗറ്റീവ്സ്

സ്ക്രിപ്റ്റിങ്ങിലെ മികവ് സംവിധാനത്തിൽ കാണാൻ കഴിയാതെ പോയതാണ് സിനിമയുടെ വലിയൊരു പോരായ്മ യായി എനിക്ക് തോന്നിയത്. അതുപോലെ ഒരു രംഗം മുഴുവനാക്കാൻ വേണ്ടി ഒരുപാട് സമയം എടുത്തതും ചിലപ്പോഴൊക്കെ സിനിമയിൽ നിന്നും ശ്രദ്ധ തിരിയ്ക്കാൻ കാരണമായി. അതിൽ തന്നെ ആദ്യപകുതിയിലെ പ്രണയ രംഗങ്ങൾക്ക് ഒക്കെ നല്ല രീതിയിൽ ലാഗ് അനുഭവപ്പെട്ടു. രണ്ടുമണിക്കൂർ ദൈർഘ്യം ഉള്ള സിനിമയാണെങ്കിൽ പോലും പലയിടത്തും ഈ പ്രശ്നം തോന്നിയിരുന്നു. എഡിറ്റിംഗ് വിഭാഗവും കുറച്ചുകൂടി ശ്രദ്ധിക്കമായിരുന്നു. എന്നാലും സിനിമ പറയാൻ ഉദ്ദേശിച്ച വിഷയം നോക്കുമ്പോൾ ഈ കുറവുകൾ തൽക്കാലം മറക്കാം.

എന്റെ അഭിപ്രായം

ശക്തമായ സ്ത്രീ കഥാപാത്രങ്ങൾ ഒരുപാട് വന്നിട്ടുള്ള മലയാളത്തിലെ ഏറ്റവും ഒടുവിലത്തെ ഉദാഹരണമാണ് രേഖ. വിൻസി എന്ന അഭിനേത്രിയുടെ കരിയറിലെ ഗ്രാഫ് ഉയർത്താൻ പോകുന്ന സിനിമ കൂടി ആയിരിക്കും ഇതെന്ന് നിസംശയം പറയാം. വയലൻസ് രംഗങ്ങൾ കുറച്ചു കൂടുതൽ ഉള്ള സിനിമ പക്ഷേ എനിക്ക് പുതിയൊരു അനുഭവം ആണ് സമ്മാനിച്ചത്. ഇന്നത്തെ കാലത്തെ കഥ പറയുന്ന, കണ്ടിരിക്കാവുന്ന സിനിമ.

#Naaz373 😊

Movie Info :-

Directed by: Jithin Issac Thomas

Written by: Jithin Issac Thomas

Produced by: Kaarthekeyen Santhanam, Karthik Subbaraj

Starring: Vincy Aloshious, Unni Lalu, Vishnu Govindhan, Renji Kankol, Rajesh Azhikkodan, Premalatha Thayineri.

Cinematography: Abraham Joseph

Edited by: Rohit V.S. Variyath 

Music by: The Escape Medium, Nikhil V, Milan V.S.

Release date: February 10, 2023

Running time: 123 Minutes

Country: India.

Language: Malayalam

Movie info source : IMDB.

 

 Movie Download / Watch trailer on https://youtu.be/IB0w64oPFQ0