Pranaya Vilasam (2023) - Movie Review

 

🎥  പ്രണയ വിലാസം (2023)

സംവിധാനം:- നിഖിൽ മുരളി

അർജുൻ അശോകൻ, മനോജ് കെ യു, മമിത ബൈജു, അനശ്വര രാജൻ, ഹക്കീം ഷാ തുടങ്ങിയവർ പ്രധാന കഥാപാത്രങ്ങളെ അവതരിപ്പിച്ചു തിയേറ്റർ റിലീസായി വന്ന സിനിമയാണ് പ്രണയ വിലാസം. തിങ്കളാഴ്ച നിശ്ചയം എന്ന ഒറ്റ സിനിമ കൊണ്ട് ശ്രദ്ധിക്കപ്പെട്ട നടനാണ് മനോജ് കെ യു. പുള്ളിയുടെ പെർഫോമൻസ് ആണ് എനിക്ക് ഈ സിനിമയിൽ ഏറ്റവും ഇഷ്ടപ്പെട്ടത്.
വിവാഹത്തിന് മുമ്പുള്ള പ്രണയ ബന്ധങ്ങളും, വിവാഹത്തിന് ശേഷം ആ ബന്ധം തുടരുന്നതും പഴയ കാമുകനോ, കാമുകിയോ വീണ്ടും ജീവിതത്തിലേക്ക് തിരികെ വരുന്നതും അതിന് ഓരോരുത്തരും അവരവരുടെ താല്പര്യം അനുസരിച്ച് വ്യഖ്യാനങ്ങൾ നൽകുന്നതും പുരുഷനും സ്ത്രീയും ഒരേപോലെയാണെന്നും, ഭാര്യ ഭർതൃ ബന്ധത്തിന്റെ മൂല്യവും പ്രാധാന്യവും എല്ലാം മനോഹരമായ വിധത്തിൽ ചിത്രീകരിച്ച ഒരു ഫീൽ ഗുഡ് നൊസ്റ്റാൾജിക് സിനിമ.

പോസിറ്റീവ്

വ്യക്തമായ കഥയും അതിനെ സപ്പോർട്ട് ചെയ്യുന്ന തിരക്കഥയുമാണ് സിനിമയുടെ ഹൈലൈറ്റ്. ഓരോ കഥാപാത്രങ്ങളെയും മികച്ച രീതിയിൽ തന്നെ എഴുതി ചേർത്തിട്ടുണ്ട്. അതിനൊപ്പം തന്നെ അഭിനേതാക്കളുടെ സ്വഭാവികതയുള്ള പ്രകടനം കൊണ്ടും സിനിമ ആസ്വാദന നിലവാരം പുലർത്തുന്നു. പ്രധാന കഥാപാത്രമായി വന്ന മനോജ് കെ യു, അസാധ്യ പെർഫോമൻസ് കൊണ്ടും, ചില മാനറിസങ്ങൾ കൊണ്ടും ചിരിയ്ക്ക് തിരികൊളുത്തിയപ്പോൾ ഒപ്പമുള്ള അർജുൻ അശോകൻ നല്ല രീതിയിൽ സപ്പോർട്ട് ചെയ്തു. അതേപോലെ അമ്മവേഷം ചെയ്ത ശ്രീധന്യ എന്ന നടിയുടെ പ്രകടനവും ഹക്കീം ഷായുടെ ചെറുതെങ്കിലും വളരെ പ്രാധാന്യമുള്ള കഥാപാത്രവും എല്ലാം സിനിമയുടെ മുതൽക്കൂട്ട് ആയിരുന്നു. പൊതുവെ പ്രണയ ചിത്രങ്ങൾ താൽപ്പര്യം ഇല്ലാതിരുന്നിട്ടും ഈ ചിത്രം എന്നിലെ പ്രേക്ഷകനെ തൃപ്തിപ്പെടുത്തുന്ന അനുഭവം ആയിരുന്നു.

നെഗറ്റീവ്

എടുത്ത് പറയത്തക്ക പോരായ്മകൾ ഒന്നും തന്നെ ഇല്ലെങ്കിൽ കൂടിയും പാട്ടുകളുടെ എണ്ണം കുറക്കാമായിരുന്നു എന്ന് തോന്നി.

എന്റെ അഭിപ്രായം

നമ്മുടെ ഒപ്പം ജീവിക്കുന്ന, നമ്മൾ എന്നും കാണുന്ന, തിരികെ ഒന്നും പ്രതീക്ഷിക്കാതെ നമ്മുടെ കാര്യങ്ങൾ എല്ലാം ചെയ്തു തരുന്ന, ഒരുകൂട്ടം മനുഷ്യർ നമ്മുടെ വീടുകളിൽ ഉണ്ട്. ഇടയ്ക്ക് എങ്കിലും അവരെ കേൾക്കാനും പരിഗണിക്കാനും നാം കുറച്ചു സമയം കണ്ടെത്തണം. ചിലപ്പോൾ എല്ലാം മനസിലാക്കി വരുമ്പോഴേക്കും ഒന്ന് മുഖത്ത് നോക്കി പുഞ്ചിരിക്കാൻ പോലും നേരമോ അവസരമോ കിട്ടിയെന്ന് വരില്ല. ഈ വലിയ പാഠം മനസിലാക്കി തന്ന കൊച്ചു സിനിമ. കണ്ടാൽ നിരാശപ്പെടുത്തില്ല.

#Naaz373 😊

Movie Info :-

Directed by: Nikhil Muraly

Written by: Jyothish M, Sunu AV

Produced by: Siby Chavara, Renjith Nair

Starring: Arjun Ashokan, Anaswara Rajan, Mamitha Baiju, Miya George, Hakkim Sha, Manoj K U

Cinematography: Shinoz

Edited by: Binu Nepolean

Music by: Shaan Rahman

Production company: Green Room Productions

Release date: 24 February 2023

Running time: 123 Minutes

Country: India.

Language: Malayalam

Movie info source : Wikipedia.

 

 Movie Download / Watch trailer on https://youtu.be/H7aKvMAfRUw