Vaalvi (2023) - Movie Review

  

🎥  വാൾവി (2023)

സംവിധാനം :- പരേഷ് മൊകാഷി

ഡാർക്ക് ഹ്യൂമർ വിഭാഗത്തിൽ ഈ വർഷം തിയേറ്റർ റിലീസായി പുറത്തിറങ്ങി മികച്ച അഭിപ്രായം നേടിയ മറാത്തി സിനിമയാണ് വാൾവി. അതുകൊണ്ട് തന്നെ പ്രതീക്ഷയോട് കൂടിയാണ് സിനിമ കണ്ടു തുടങ്ങിയത്. മലയാളത്തിൽ വല്ലപ്പോഴും മാത്രം സംഭവിക്കുന്നതാണ് ഡാർക്ക് ഹ്യൂമർ ജേണറിൽ വരുന്ന സിനിമകൾ. ഒടുവിൽ വന്ന ഉണ്ണി മുകുന്ദൻ അസോസിയേറ്റ്‌സ് അതിൽ തന്നെ ഏറ്റവും മികച്ച ഉദാഹരണമാണ്. ഒരേസമയം ചിരിപ്പിക്കുകയും ത്രില്ലടിപ്പിക്കുകയും കുറച്ചൊക്കെ ഞെട്ടിക്കുകയും ചെയ്‌ത സിനിമ പറയുന്നത് ഒരു ദമ്പതികളുടെ ദാമ്പത്യ ജീവിതവും, അവർക്കിടയിലെ പ്രശ്നങ്ങളും, അതിനെ മറികടക്കാൻ അവർ കണ്ടെത്തുന്ന മാർഗങ്ങളും ഒക്കെയാണ്. നേരത്തെ നാം കണ്ടിട്ടുള്ള, പ്രമേയപരമായി പ്രത്യേകിച്ച് പുതുമകൾ ഒന്നും അവകാശപ്പെടാൻ ഇല്ലെങ്കിൽ കൂടിയും അവതരണ മികവ് കൊണ്ട് പ്രേക്ഷകനെ കഥയ്ക്കും കഥാപാത്രങ്ങൾക്കും ഒപ്പം പിടിച്ചിരുത്താൻ സിനിമയ്ക്ക് കഴിഞ്ഞു. അത് തന്നെയാണ് ഈ സിനിമയുടെ വിജയം.

പോസിറ്റീവ്സ്

ഏറ്റവും ആദ്യം എടുത്ത് പറയേണ്ടത് സിനിമയുടെ മേക്കിങ്ങും, സ്ക്രിപ്റ്റിങ്ങും ആണ്. ചെറുതായി ഒന്ന് പാളി പോയാൽ പോലും കയ്യിൽ നിന്ന് പോകുന്ന ഒരു സ്ക്രിപ്റ്റിനെ വെറും ഒന്നേമുക്കാൽ മണിക്കൂറിൽ, വളരെ ചുരുങ്ങിയ കഥാപാത്രങ്ങളെ മാത്രം ഉപയോഗിച്ചു കൊണ്ട് ഒരു ഗംഭീര സിനിമാറ്റിക് എക്സ്പീരിയൻസ് സമ്മാനിക്കാൻ സിനിമയ്ക്ക് കഴിഞ്ഞു. 

അതുപോലെ തന്നെ അഭിനേതാക്കളുടെ പ്രകടന മികവും സിനിമയുടെ ഹൈലൈറ്റ് ആണ്. വിരലിൽ എണ്ണാവുന്ന കഥാപാത്രങ്ങൾ മാത്രമേ സിനിമയിൽ വന്ന് പോകുന്നുള്ളൂ എങ്കിൽ പോലും അവർക്ക് എല്ലാം വ്യക്തമായ ഒരു ഐഡൻറിറ്റി യും ബാക്ക് സ്റ്റോറിയും നൽകാൻ സംവിധായകൻ ശ്രദ്ധിച്ചു. അതുകൊണ്ട് തന്നെ എല്ലാ കഥാപാത്രങ്ങളുംമായും പ്രേക്ഷകന് കണക്റ്റ് ചെയ്യാൻ കഴിയുന്നുണ്ട്. 

ടെക്നിക്കൽ സൈഡ് നോക്കിയാലും വളരെ മികച്ച ഒരു ക്രൂ തന്നെയാണ് പിന്നിൽ പ്രവർത്തിച്ചിരുന്നത്. വിഷ്വൽസ്, ബിജിഎം, എഡിറ്റിംഗ് എല്ലാം സിനിമയ്ക്ക് അനുയോജ്യമായ വിധത്തിൽ തന്നെ അണിയിച്ചൊരുക്കാൻ സംവിധായകന് കഴിഞ്ഞിട്ടുണ്ട്. അതിൽ തന്നെ എഡിറ്റിംഗ് വിഭാഗത്തെ അഭിനന്ദിക്കാതിരിക്കാൻ ആവില്ല. കാരണം വെറും ഒന്നേമുക്കാൽ മണിക്കൂറിൽ ഒട്ടും ലാഗ് അടിപ്പിക്കാതെ, അനാവശ്യ രംഗങ്ങളോ എന്തിന് ഒരു സോങ് പോലും സിനിമയിലില്ല. സിനിമ തീരുന്നത് അറിയുകയെ ഇല്ല. അതിന്റെ ഫുൾ ക്രെഡിറ്റ് സിനിമയുടെ എഡിറ്റിംഗ് നിർവഹിച്ച അഭിജിത്ത് ദേശ്പാണ്ഡെയ്ക്ക് കൊടുത്തേ മതിയാവൂ.

നെഗറ്റീവ്

പ്രത്യേകിച്ച് നെഗറ്റീവ് ഒന്നും എനിക്ക് അനുഭവപ്പെട്ടില്ല. പോസ്റ്റുമോർട്ടം ചെയ്തു കാണേണ്ട സിനിമയല്ല ഒരിക്കലും ഇത്. അതുകൊണ്ട് മുൻവിധികൾ ഇല്ലാതെ സിനിമ കാണാം.

എന്റെ അഭിപ്രായം

പൊതുവെ ക്ഷാമം നേരിടുന്ന ഡാർക്ക് ഹ്യൂമർ വിഭാഗത്തിൽ നിന്നും ഏറെക്കാലത്തിന് ശേഷം ലഭിച്ച മികച്ച ഒരു അനുഭവം ആയിരുന്നു വാൾവി. എന്റെ ആദ്യത്തെ മറാത്തി സിനിമ അനുഭവം കൂടിയാണ് ഈ സിനിമ. അതുകൊണ്ട് തന്നെ ഞാൻ ഫുൾ ഹാപ്പിയാണ്. വെറൈറ്റി സിനിമകൾ, അല്ലെങ്കിൽ പരീക്ഷണങ്ങൾ ഇഷ്ടപ്പെടുന്നവർക്ക് ധൈര്യമായി കാണാം. വാൾവി നിങ്ങളെ നിരാശപ്പെടുത്തില്ല.

#Naaz373 😊

Movie Info :-

Directed by: Paresh Mokashi

Written by: Madhugandha Kulkarni, Paresh Mokashi

Produced by: Madhugandha Kulkarni

Starring: Swapnil Joshi, Anita Date, Subodh Bhave, Shivani Surve

Cinematography: Satyajit Shobha Shriram

Edited by: Abhijeet Deshpande, Saurabh Prabhudesai

Music by: Mangesh Dhakade

Production company: Zee Studios

Release date: 13 January 2023

Running time: 106 min

Country: India.

Language: Marathi

Movie info source : Wikipedia.

 

 Vaalvi Movie Download / Watch trailer on https://youtu.be/hm0s7r3kRKw