CORONA DHAWAN (2023) MOVIE REVIEW

 

🎥 കൊറോണ ധവാൻ (2023)

ഒരുപാട് കാലത്തിന് ശേഷം മനസ്സ് തുറന്ന് ചിരിക്കാൻ ഉള്ള വക നൽകിയ ചെറിയൊരു നല്ല സിനിമ. കൊറോണ ലോക്ക് ഡൗൺ കാലത്തെ മദ്യപാനികളുടെ ജീവിതം ഹാസ്യത്തിന്റെ മേമ്പൊടിയിൽ അവതരിപ്പിച്ച മികച്ച സിനിമ.

പോസിറ്റീവ്
സിനിമയുടെ കാസ്റ്റിങ് തന്നെയാണ് ഒന്നാമത്തെ പോസിറ്റീവ്. ലുക്മാൻ, ശ്രീനാഥ്‌ ഭാസി, ജോണി ആന്റണി, ഇർഷാദ്, ശ്രുതി ജയൻ, സീമ ജി. നായർ തുടങ്ങി എല്ലാവരുടെയും മികച്ച പ്രകടനം സിനിമയെ ഉടനീളം എൻഗേജിങ് ആക്കി കൊണ്ട് പോകുന്നുണ്ട്. അതോടൊപ്പം കൊറോണ കാലത്ത് നമ്മൾ കണ്ട  ഒട്ടേറെ സംഭവങ്ങളെ നർമത്തിൽ ചേർത്ത് അവതരിപ്പിക്കാൻ സംവിധായകന് കഴിഞ്ഞു. അതേപോലെ ഛായാഗ്രഹണം, എഡിറ്റിംഗ്, മ്യൂസിക് ഡിപ്പാർട്ട്‌മെന്റ് എല്ലാ വിഭാഗവും നന്നായിരുന്നു.

നെഗറ്റീവ്
ഞാൻ പറയുന്നത് സിനിമയുടെ നെഗറ്റീവ് അല്ല, എന്നാൽ സെൻസർ ബോർഡ് വെട്ടി മാറ്റിയ സിനിമയുടെ ആദ്യ പേരിനെക്കുറിച്ചാണ്. കൊറോണ ജവാൻ എന്നാണ് സിനിമയ്ക്ക് ആദ്യമിട്ട പേര്. എന്നാൽ പല കാരണങ്ങൾ കൊണ്ട് ആ പേര് മാറ്റി അത് കൊറോണ ധവാൻ എന്നാക്കി. ജവാന് പകരം ധവാൻ എന്നാണ് സിനിമയിലും പറയുന്നത്. അത് എന്തോ സിനിമയുടെ ആസ്വാദനത്തിന് അരോചകമായി തോന്നി. ഒരു പേര് അറിഞ്ഞത് കൊണ്ട് കാണുന്നവർ എല്ലാം ജവാൻ അന്വേഷിച്ചു പോകുമെന്ന സെൻസർ ബോർഡിന്റെ ചിന്താഗതി ക്ക് മുന്നിൽ നല്ല നമസ്കാരം. കലയ്ക്ക് കത്തി വെക്കുന്ന ഈ പ്രവണത ഇനിയെങ്കിലും അവസാനിപ്പിക്കണം എന്ന് മാത്രമേ എനിക്ക് പറയാനുള്ളൂ. എന്നാണ് ഇവർക്ക് ഒക്കെ ബോധം വെക്കുന്നത്...???

എന്റെ അഭിപ്രായം
വളരെ കാലത്തിന് ശേഷം ഒരുപാട് ചിരിച്ചു ആസ്വദിച്ചു കണ്ട സിനിമ. ലോക്ക്ഡൗൺ കാലത്ത് നമ്മൾ കണ്ട മലയാളിയുടെ ജീവിതം അതേപടി സിനിമയിൽ കാണാൻ സാധിക്കും. തിരക്ക് പിടിച്ച ജീവിതത്തിൽ നിന്നും ചെറിയൊരു ബ്രെക്ക് വേണ്ടവർക്ക് തീർച്ചയായും ഞാൻ ഈ സിനിമ സജസ്റ്റ് ചെയ്യുന്നു.

#Naaz373 😊