KING OF KOTHA (2023) MOVIE REVIEW

 

🎥 KING OF KOTHA (2023)
A Film by Abhilash Joshiy

മലയാളത്തിൽ ഇക്കൊല്ലം ഏറ്റവും കൂടുതൽ കാത്തിരുന്ന ചിത്രം, ദുൽഖർ സൽമാന്റെ നിർമാണത്തിൽ രണ്ട് വർഷത്തിന് ശേഷം വീണ്ടും മലയാളത്തിലേക്ക്  ഒരു ബിഗ് ബജറ്റ് പാൻ ഇന്ത്യൻ സിനിമ, സംവിധായകൻ ജോഷിയുടെ പുത്രൻ അഭിലാഷ് ജോഷിയുടെ ആദ്യ സംവിധാന സംരംഭം അങ്ങനെ കാത്തിരിക്കാൻ നിരവധി കാരണങ്ങൾ ഉണ്ടായിരുന്ന സിനിമ. ഇന്ന് ആദ്യ ഷോ തന്നെ കണ്ടു.

ദുൽഖറിനൊപ്പം ഷമ്മി തിലകൻ, ഐശ്വര്യ ലക്ഷ്മി, നൈല ഉഷ, പ്രസന്ന, ഗോകുൽ സുരേഷ്, ചെമ്പൻ വിനോദ്, ശാന്തി കൃഷ്ണ തുടങ്ങി ഒരു വമ്പൻ താരനിര തന്നെ ചിത്രത്തിലുണ്ട്. ടീസറും ട്രെയിലറും കണ്ടവർക്ക് ഇതൊരു കംപ്ലീറ്റ് മാസ്സ് ഗ്യാങ്സ്റ്റർ ജേണറിൽ വരുന്ന സിനിമയാണ് എന്ന് മനസ്സിലാക്കാം. ആ ബോധം മനസ്സിൽ വെച്ചു കൊണ്ട് തന്നെയാണ് ഞാനും സിനിമയ്ക്ക് ടിക്കറ്റ് എടുത്തത്. അത് നൂറിരട്ടി ആയി തന്നെ എനിക്ക് തിരിച്ചു കിട്ടി.

കെജിഎഫ്, ജയ്‌ലർ ഒക്കെ കണ്ടു കയ്യടിക്കുന്ന മലയാളി എന്നാണോ ഇനി നമ്മുടെ ഇൻഡസ്ട്രിയിൽ ഇങ്ങനെയൊരു സിനിമ വരുന്നത് എന്ന് വിലപിക്കാൻ തുടങ്ങിയിട്ട് കുറേക്കാലം ആയി. അത്തരം പ്രേക്ഷകർ ഈ സിനിമ കാണണം. നിങ്ങളെപ്പോലെയുള്ളവർക്ക് വേണ്ടി കൂടിയാണ് ഈ സിനിമ. ആദ്യ ഷോ കഴിഞ്ഞപ്പോൾ മുതൽ നല്ല രീതിയിൽ നെഗറ്റീവ് റിവ്യൂസ് വരുന്നുണ്ട്. ദുൽഖർ സിനിമകൾക്ക് ആദ്യ ദിവസം നെഗറ്റീവ് ഡീ ഗ്രേഡിങ് ഇപ്പൊ പതിവ് കാഴ്ചയാണ്. അതുകൊണ്ട് നോർമൽ പ്രേക്ഷകർ കൂടുതൽ റിവ്യൂസ് നോക്കി തല പുകയ്ക്കാതെ നേരെ ടിക്കറ്റ് എടുത്ത് കൊത്തയ്ക്ക് വിട്ടോ. ഈ ഓണക്കാലം കുടുംബത്തിനും കൂട്ടുകാർക്കും ഒപ്പം അടിച്ചുപൊളിച്ചു കാണാൻ ഉള്ള എല്ലാവിധ ചേരുവകളും അടങ്ങിയ ഒരു ഓണം ട്രീറ്റ് തന്നെയാണ് കിംഗ്‌ ഓഫ് കൊത്ത എന്ന് നിസ്സംശയം പറയാം.

പോസിറ്റീവ്

ദുൽഖർ സൽമാൻ എന്ന ബ്രാൻഡ് - അത് തന്നെയാണ് സിനിമയുടെ നട്ടെല്ല്. മാസ്സ് റോളുകൾ തനിക്ക് ചേരില്ല എന്ന അപവാദം ഇതോടെ മാറി കിട്ടും. എജ്ജാതി സ്വാഗും സ്ക്രീൻ പ്രെസെൻസ് കൊണ്ട് തിയറ്ററിനെ തീ പിടിപ്പിക്കുന്ന പെർഫോമൻസ്. തന്നിലെ നടനെയും താരത്തെയും ഒരേപോലെ തേച്ചു മിനുക്കിയ അയാളുടെ അഴിഞ്ഞാട്ടം തന്നെയാണ് ഈ സിനിമ.

ജെയ്ക്‌സ് ബിജോയ് - ബിജിഎം കൊണ്ടുള്ള ആറാട്ട് എന്ന് തന്നെ പറയേണ്ടി വരും. ഒരു മാസ്സ് ആക്ഷൻ സിനിമയ്ക്ക് വേണ്ട ഇടിവെട്ട് ബിജിഎം ഒപ്പം കൊത്ത രാജ എന്ന ആ ഇൻട്രോ സോങ് അത് മാത്രം മതി ഇങ്ങേര് ചെയ്തു വെച്ചതിന്റെ റേഞ്ച് മനസ്സിലാവാൻ.

നിമിഷ് രവിയുടെ ഗംഭീര വിഷ്വൽസ്
സിനിമയെ എൻഗേജിങ് ആക്കി നിർത്തുന്ന മെയിൻ ഫാക്ടർ. തുടക്കം മുതൽ ഒടുക്കം വരെ ക്യാമറ കൊണ്ടുള്ള മാജിക്. ടൈറ്റിൽ കാർഡിന് ശേഷം വരുന്ന ലാലേട്ടന്റെ നറേഷൻ സീൻ മാത്രം മതി പുള്ളിയുടെ സ്‌കിൽ അറിയാൻ. ഗംഭീരം എന്നല്ലാതെ മറ്റൊന്നും പറയാനില്ല.

ആക്ഷൻ സീക്വൻസുകൾ
മഹേഷ് മാത്യു അണിയിച്ചൊരുക്കിയ ത്രസിപ്പിക്കുന്ന ആക്ഷൻ രംഗങ്ങൾ സിനിമയ്ക്ക് ഗ്രിപ്പ് നൽകുന്നു. ഒരു ഗ്യാങ്സ്റ്റർ സിനിമയിൽ ആക്ഷൻ എത്രത്തോളം പ്രാധാന്യം ഉണ്ടെന്ന് കൃത്യമായി മനസിലാക്കിയുള്ള സ്റ്റണ്ട് കോറിയോഗ്രഫി. സിനിമയിലെ എല്ലാ സ്റ്റണ്ട് സീക്വൻസുകളും ഗംഭീരം.

ഷബീർ കല്ലറയ്ക്കൽ (ഡാൻസിംഗ് റോസ്)
നായകനൊപ്പം കട്ടയ്ക്ക് നിന്ന കിടിലൻ വില്ലൻ. ഇവർ തമ്മിലുള്ള കെമിസ്ട്രി അസാധ്യം ആയിരുന്നു. ദുൽഖറിനൊപ്പം തന്നെ സ്ക്രീൻ പ്രെസെൻസ് ഉള്ള കഥാപാത്രം ആയിരുന്നു ഇങ്ങേര് ചെയ്‌ത കണ്ണൻ ഭായ്. മലയാളത്തിൽ നല്ലൊരു തുടക്കം തന്നെ കിട്ടി.

നെഗറ്റീവ്

ആകെയുള്ള ഒരു നെഗറ്റീവ് സിനിമയ്ക്ക് പുതുമ തോന്നിക്കുന്ന ഒരു  കഥ ഇല്ല എന്നുള്ളതാണ്. ഒരു ഗ്യാങ്സ്റ്റർ സിനിമയ്ക്ക് നാം പ്രതീക്ഷിക്കുന്ന കഥ, അല്ലെങ്കിൽ കണ്ടിട്ടുള്ള അതേ കഥാ സന്ദർഭങ്ങളിൽ കൂടി തന്നെയാണ് കൊത്തയും സഞ്ചരിക്കുന്നത്. എന്നാൽ ചിലയിടങ്ങളിൽ അപ്രതീക്ഷിത ട്വിസ്റ്റുകളും സിനിമ സമ്മാനിക്കുന്നുണ്ട്. അതേപോലെ സിനിമയിൽ വന്നു പോകുന്ന ഓരോരുത്തർക്കും വ്യക്തമായ ഐഡൻറിറ്റി നൽകാൻ സംവിധായകൻ പ്രത്യേകം ശ്രദ്ധിച്ചിട്ടുണ്ട്. ക്ലൈമാക്സ് അതിന്റെ ഏറ്റവും മികച്ച ഉദാഹരണമാണ്.

എന്റെ അഭിപ്രായം
ഈ ഓണക്കാലത്ത് ആഘോഷമായി കാണാനുള്ള എല്ലാ ചേരുവകളും ചേർന്ന ഒരു ഫെസ്റ്റിവൽ മൂഡ് സിനിമ തന്നെയാണ് കിംഗ്‌ ഓഫ് കൊത്ത. നമുക്കും ഉണ്ട് ബിഗ് ബജറ്റ് പാൻ ഇന്ത്യൻ സിനിമകൾ എന്ന് അഭിമാനത്തോടെ ഇനി വിളിച്ച് പറയാം. അതിന് ഇതുപോലുള്ള സിനിമകൾ ഹിറ്റ് ആകണം. നമ്മൾ പ്രേക്ഷകർ ഹിറ്റ് ആക്കണം.

അഭിലാഷ് ജോഷി - അച്ഛന്റെ പേര് കാത്ത മകൻ. തുടക്കം ഗംഭീരം. കാത്തിരിക്കുന്നു അടുത്ത സിനിമയ്ക്കായി...

#Naaz373 😊