RDX (2023) MOVIE REVIEW

 

🎥 RDX (2023)
A Film by Nahas Hidhayath

അനൗൺസ് ചെയ്തത് മുതൽ ഇന്ന് വരെ ഒരുപാട് പ്രതീക്ഷകളോടെ കാത്തിരുന്ന സിനിമ, ക്യാമറയ്ക്ക് മുന്നിലും പിന്നിലുമായി കഴിവുള്ള ഒരു കൂട്ടം ആളുകൾ, ഇതിനെല്ലാം ഉപരിയായി രാവിലെ മുതൽ കേട്ടറിഞ്ഞ പോസിറ്റീവ് റെസ്പോൺസ്, ഇതിനപ്പുറം എന്തുവേണം ഈ സിനിമയ്ക്ക് ടിക്കറ്റ് എടുക്കാൻ....

സിനിമയിലേക്ക് വന്നാൽ തല്ല് പടങ്ങളുടെ അമരക്കാരൻ ആയ ആന്റണി വർഗീസ് എന്ന നമ്മുടെ സ്വന്തം പെപ്പെ, യുവാക്കളുടെ ഹരമായ ഷെയ്ൻ നിഗവും നീരജ് മാധവും ആദ്യമായി ഒരു സിനിമയിൽ ഒന്നിച്ചു വന്നപ്പോൾ കിട്ടിയത് നല്ല ഒന്നാന്തരം ഇടിവെട്ട് മാസ്സ് പടം. ഇവരെ കൂടാതെ ലാൽ, ബാബു ആന്റണി, ബൈജു ചേട്ടൻ, മാല പാർവതി, സുജിത് ശങ്കർ തുടങ്ങി വലിയൊരു താരനിര തന്നെയുണ്ട് സിനിമയിൽ. ഇതിനെല്ലാം പുറമേ സിനിമയ്ക്ക് പിന്നിൽ പ്രവർത്തിച്ചവരെ കൂടി എടുത്തു പറയേണ്ടതായുണ്ട്. അതിൽ തന്നെ ഏറ്റവും ആദ്യം പറയേണ്ട പേരുകളിൽ ഒന്ന് സിനിമയ്ക്ക് വേണ്ടി ആക്ഷൻ കോറിയോഗ്രാഫി ചെയ്ത തമിഴിലെ ഹിറ്റ് സ്റ്റണ്ട് കോംബോ ടീമായ അൻപ് - അറിവ് ആണ്. വിക്രം, കെജിഎഫ് പോലെ ബ്രഹ്മാണ്ഡ സിനിമകൾക്ക് വേണ്ടി സംഘട്ടനം സംവിധാനം ചെയ്ത ഈ ടീം ഈ സിനിമയിലും ചെയ്തു വച്ചിരിക്കുന്നത് വേറെ ലെവൽ ആക്ഷൻ സീക്വൻസുകൾ ആണ്. മാത്രമല്ല ഇത് ബിഗ് സ്ക്രീനിൽ കണ്ടറിയേണ്ട ഒരൊന്നൊന്നര ഐറ്റം തന്നെയാണ്. എന്തായാലും മൂന്ന് നായകന്മാരുടെയും ചാറ് മുഴുവൻ ഊറ്റി എടുത്തിട്ടുണ്ട്. ആ എഫോർട്ട് സിനിമയിൽ വ്യക്തമായി നമുക്ക് എക്സ്പീരിയൻസ് ചെയ്യാൻ സാധിക്കും. സിനിമയിൽ ആകെ മൊത്തം എത്ര ഫൈറ്റ് ഉണ്ടെന്ന് എനിക്ക് തന്നെ നിശ്ചയമില്ല. എന്നാൽ ഉള്ളതെല്ലാം ഒരേ പൊളി ഐറ്റംസ് ആണ്.

RDX ഒരു കംപ്ലീറ്റ് ഔട്ട് ആൻഡ് ഔട്ട് മാസ്സ് ആക്ഷൻ സിനിമയാണ്. അത്തരമൊരു സിനിമയ്ക്ക് വേണ്ടതെല്ലാം നഹാസ് ഹിദായത്ത് എന്ന പുതുമുഖ സംവിധായകൻ നല്ല വൃത്തിക്ക് ചെയ്തു വച്ചിട്ടുണ്ട്. വലിയ പുതുമയൊന്നും അവകാശപ്പെടാൻ ഇല്ലാത്ത കഥയും കഥാപാത്രങ്ങളും ആണെങ്കിൽ പോലും മേക്കിങ് മികവ് കൊണ്ട്‌അതിനെയെല്ലാം മറികടക്കുന്നുണ്ട്. രണ്ടര മണിക്കൂർ ലെങ്ത് ഉള്ള സിനിമ ഒരൊറ്റ സെക്കന്റ് പോലും എനിക്ക് ലാഗ് ഫീൽ ചെയ്തില്ല. എൻഗേജിങ് ആയി തന്നെ ആദ്യാവസാനം വരെ കൊണ്ട് പോകാൻ സംവിധായകന് സാധിച്ചിട്ടുണ്ട്. പിള്ളേർക്ക് പണിയറിയാം എന്ന് ആദ്യ സിനിമയിലൂടെ തന്നെ തെളിയിച്ചു.

+ POINTS

അൻപ് - അറിവ് ടീമിന്റെ സ്റ്റണ്ട് സീക്വൻസുകൾ.

സാം സി. എസിന്റെ ഗംഭീര മ്യൂസിക് ആൻഡ് ബാക്ക്ഗ്രൗണ്ട് സ്കോറിങ്.

പെർഫെക്റ്റ് കാസ്റ്റിങ് - അതിൽ തന്നെ എടുത്ത് പറയേണ്ട കുറച്ചു പേരുകളുണ്ട്. അതിൽ ഒന്നാമൻ നെഗറ്റീവ് റോളിൽ വന്ന് ഞെട്ടിച്ച പോൾസൺ എന്ന കഥാപാത്രം ചെയ്ത് ഗംഭീരം ആക്കിയ വിഷ്ണു അഗസ്ത്യ. ഇങ്ങേരെ അറിയാവുന്നവർക്ക് പുള്ളിയുടെ കാലിബർ അറിയാമായിരിക്കും. അല്ലെങ്കിൽ നിങ്ങൾ ഇൻസോംനിയ എന്ന യുട്യൂബ് വെബ് സീരീസ് കണ്ടാൽ മതി. അതിൽ നിന്നും മനസിലാക്കാം പുള്ളിയുടെ റേഞ്ച്. ഒടുവിൽ ഇറങ്ങിയ ഒ. ബേബി, ആയിരത്തൊന്നു നുണകൾ എന്ന സിനിമകളിൽ വരെ തകർപ്പൻ പ്രകടനം കാഴ്ച വെച്ച മികവുറ്റ നടൻ. ഇനി പള്ളിയ്ക്ക് ശ്രദ്ധിക്കപ്പെടുന്ന മികച്ച വേഷങ്ങൾ തേടിയെത്തട്ടെ. കാരണം പോൾസൺ ആയി ഇങ്ങേർ അഴിഞ്ഞാടി എന്ന് നിസ്സംശയം പറയാം. അതുപോലെ പോൾസന്റെ ചേട്ടൻ ജയ്‌സൺ ആയി വന്ന് തകർത്ത സുജിത് ശങ്കർ. വളരെ കുറച്ചു സീനുകളിലേ ഉള്ളുവെങ്കിൽ കൂടിയും പുള്ളിയും ചുമ്മാ വന്ന് സ്കോർ ചെയ്തു പോകുന്നുണ്ട്. ഇനിയെനിക്ക് പറയാനുള്ളത് വളരെ സ്‌പെഷ്യൽ ആയ ഒരാളെക്കുറിച്ചാണ്. ഈ റിവ്യൂ എഴുതുമ്പോഴും എന്റെ രോമാഞ്ചം വിട്ട് മാറിയിട്ടില്ല. അതുവരെ സൈലന്റ് ആയിരുന്നിട്ട് ക്ലൈമാക്സിൽ വന്നൊരു ഇടിവെട്ട് പെർഫോമൻസ് ഉണ്ട്. 90s കിഡ് ആയ എന്നെപോലെയുള്ളവർക്ക് ആ ക്ലൈമാക്സ് സമ്മാനിച്ചത് ഞങ്ങൾക്ക് ഇതുവരെ കിട്ടാത്ത എന്നാൽ ഞങ്ങൾ ഏറെ ആഗ്രഹിച്ച തരത്തിലുള്ള എക്സ്പീരിയൻസ് ആയിരുന്നു. അദ്ദേഹം ആരാണെന്ന് നിങ്ങൾ കണ്ട് തന്നെ അറിയുക. അതാണ് അതിന്റെ ത്രിൽ.

പെർഫോമൻസ് - എല്ലാവരും മികച്ച രീതിയിൽ തന്നെ അവരവരുടെ റോളുകൾ ഭംഗിയാക്കി.

അലക്സ് ജെ. പുളിക്കന്റെ കിടിലൻ ഛായാഗ്രഹണം - സിനിമ മൊത്തത്തിൽ ഒരു കളർഫുൾ വൈബ് കൊണ്ടുവരാൻ വിഷ്വൽസിന് കഴിഞ്ഞു. കളർ ഗ്രേഡിങ്, ഓരോ ഫ്രയിമുകൾ അങ്ങനെയെല്ലാം സൂപ്പർ.

- POINTS

ERROR 404 - NOT FOUND
ഇത് പോലുള്ള പടത്തിന് എന്ത് നെഗറ്റീവ് പറയാൻ.

എന്റെ അഭിപ്രായം
ഈ ഓണക്കാലത്ത് തകർത്ത് ആഘോഷിക്കാനായി നല്ല വെടിച്ചില്ല് മാസ് ആക്ഷൻ സിനിമ. കുടുംബ പ്രേക്ഷകർക്ക് വേണ്ടതും കൂട്ടുകൂടി പോകുന്നവർക്ക് വേണ്ടിയുള്ളത് ആയിട്ടുള്ള എല്ലാ എലമെന്റ്സും സിനിമ ഓഫർ ചെയ്യുന്നുണ്ട്. ചുരുക്കി പറഞ്ഞാൽ ഒരു വെടിക്കെട്ട് വൈബ് പടം. ഒന്നും നോക്കേണ്ട, നേരെ തിയേറ്ററിലേക്ക് വിട്ടോ...👌

NB:- തള്ളേ... കയ്യുടെ തരിപ്പ് അങ്ങ് തീരണില്ലല്ല...💥😍

#Naaz373 😊