MARK ANTONY (2023) MOVIE REVIEW

 

🎥 MARK ANTONY (2023)
A Film by Adhik Ravichandran

വിശാൽ, എസ്‌ജെ സൂര്യ, സുനിൽ, ഋതു വർമ്മ, സെൽവരാഘവൻ തുടങ്ങിയ മികച്ച താരങ്ങൾ അണിനിരന്ന തമിഴിൽ നിന്നുള്ള ഏറ്റവും പുതിയ റിലീസാണ് മാർക്ക് ആന്റണി.

യാതൊരുവിധ പ്രതീക്ഷകളും ഇല്ലാതെ, ആദ്യ ദിവസം കേട്ട കുറച്ചു പോസിറ്റീവ് റിവ്യൂസ്, ഒപ്പം എസ് ജെ സൂര്യ എന്ന ഇഷ്ട നടന്റെ പെർഫോമൻസ് എന്നിവ കൊണ്ട് മാത്രം ടിക്കറ്റ് എടുത്ത് സിനിമയ്ക്ക് കേറിയ എന്നെ അക്ഷരാർത്ഥത്തിൽ ഞെട്ടിച്ച സിനിമ. അതിൽ തന്നെ എന്നെ അത്ഭുതപ്പെടുത്തിയ കാര്യം ഒരു ഗ്യാങ്സ്റ്റർ സിനിമയിൽ ഒരേസമയം ടൈം ട്രാവൽ + ഡാർക്ക് ഹ്യൂമർ മികച്ച രീതിയിൽ പ്ലേസ് ചെയ്ത ഉടനീളം എൻഗേജ് ചെയ്യിക്കുന്ന ഗംഭീര സിനിമ എന്ന് നിസ്സംശയം പറയാവുന്ന വിധത്തിലുള്ള മേക്കിങ്. സംവിധായകന്റെ മുൻ സിനിമകൾ വേണ്ടത്ര ശ്രദ്ധ നേടിയിരുന്നില്ല. അതുകൊണ്ട് ഈ സിനിമയ്ക്കും കാര്യമായ ഹൈപ്പോ മറ്റ് പ്രതീക്ഷകളോ ഉണ്ടായിരുന്നില്ല. എന്നാൽ അതിൽ നിന്നെല്ലാം ഈ സിനിമ വേറിട്ട് നിൽക്കുന്നു. ചിലപ്പോൾ ഈ സിനിമ എല്ലാവരെയും ഒരേപോലെ തൃപ്തിപ്പെടുത്തുന്ന ഒരു ചിത്രം ആണെന്ന അഭിപ്രായം എനിക്കില്ല. എന്നാൽ വ്യത്യസ്തത ഇഷ്ടപ്പെടുന്ന, പരീക്ഷണ സിനിമകൾ കാണാൻ താൽപ്പര്യം ഉള്ള ആളാണ് നിങ്ങൾ എങ്കിൽ ഈ സിനിമ നിങ്ങളെ എക്സൈറ്റ് ചെയ്യിക്കും, തീർച്ച.

പോസിറ്റീവ്
കിടിലൻ സ്ക്രിപ്റ്റ് - അത് എക്സിക്യൂട്ട് ചെയ്ത രീതി. രണ്ടര മണിക്കൂർ വളരെ ഫാസ്റ്റ് പേസിൽ കഥ പറഞ്ഞു പോകുന്ന, ഓരോ സീൻ കഴിയുമ്പോഴും അടുത്തത് എന്ത് എന്ന് അക്ഷമയോടെ കാത്തിരിക്കാൻ പ്രേരിപ്പിക്കുന്ന വിധത്തിലുള്ള മേക്കിങ്. ഇതാണ് സിനിമയുടെ ഹൈലൈറ്റ്.

ഓരോരുത്തർക്കും പെർഫോം ചെയ്യാനുള്ള സ്‌പേസ് നൽകുന്ന കഥയും കഥാ പശ്ചാത്തലങ്ങളും. അതിൽ തന്നെ പെർഫോമൻസ് കൊണ്ട് ഞെട്ടിച്ച മുതൽ എസ്‌ജെ സൂര്യയെന്ന ഓൾ റൗണ്ടർ ആണ്. തനിക്ക് കിട്ടുന്ന കഥാപാത്രം അത് അതിന്റെ മാക്സിമം ഔട്ട്പുട്ട് നൽകുന്ന ചുരുക്കം നടന്മാരിൽ ഒരാളാണ് അദ്ദേഹം. ഒരുപക്ഷേ ഈ സിനിമയെ തന്നെ താങ്ങി നിർത്തുന്ന ഘടകം എസ് ജെയുടെ മാരക പ്രകടനം തന്നെയാണ്. സിനിമ കാണുമ്പോൾ നിങ്ങൾക്ക് അത് മനസിലാവും. ഒരേസമയം മാസ്സും അതേപോലെ കൗണ്ടറുകളും കൊണ്ടുള്ള ആറാട്ട് ആണ് അങ്ങേർ ചെയ്തു വെച്ചിരിക്കുന്നത്. ചില സീനുകളിൽ നായകനായ വിശാലിനെ വരെ സൈഡ് ആക്കിയ അഴിഞ്ഞാട്ടം എന്ന് നിസ്സംശയം പറയാം.

ജി.വി പ്രകാശ് കുമാറിന്റെ ബിജിഎം സിനിമയുടെ ലൗഡ് ആയ മേകിങ്ങിനെ കൂടുതൽ ബൂസ്റ്റ് അപ്പ് ചെയ്യുന്നത് ആയിരുന്നു. സോങ്‌സ് ശരാശരി ആയേ തോന്നിയുള്ളൂ. എന്നാൽ പഴയ തമിഴ് സിനിമ പാട്ടുകൾ ചില സീനുകളിൽ യൂസ് ചെയ്തത് നന്നായിരുന്നു.

അഭിനന്ദൻ രാമനുജത്തിന്റെ കിടിലൻ സിനിമറ്റൊഗ്രഫി സിനിമയെ വിഷ്വൽ ക്വാളിറ്റിയുള്ളതാക്കി മാറ്റി. ആക്ഷൻ സീനുകളും അതുപോലെ സിൽക്ക് സ്മിതയുടെ കാമിയോ റോൾ വരുന്ന രംഗങ്ങൾ ഒക്കെ സിനിമറ്റൊഗ്രഫിയുടെ ഏറ്റവും മികച്ച ഉദാഹരണമാണ്.

നെഗറ്റീവ്
സിനിമയിൽ അനാവശ്യമായി കുത്തി തിരുകിയ പോലെ തോന്നിയ കുറച്ചു സോങ്‌സ്. അത് ഇല്ലെങ്കിലും സിനിമ എൻഗേജിങ് ആയി പോകുമായിരുന്നു. ഒഴിവാക്കാമായിരുന്ന സോങ്‌സ് ആയിരുന്നു അത് എന്നാണ് എനിക്ക് തോന്നിയത്. കാരണം വേഗത്തിൽ കഥ പറയുന്ന സിനിമയ്ക്ക് ആ സോങ്‌സ് സ്ലോ ആക്കിയത് പോലെ തോന്നി. ഇത് ഒഴിച്ചാൽ കാര്യമായ മറ്റ് യാതൊരു നെഗറ്റീവും എനിക്ക് ഫീൽ ചെയ്തില്ല.

എന്റെ അഭിപ്രായം
ലോജിക്കും ബ്രില്യൻസ് ഒക്കെ മറന്നുകൊണ്ട് രണ്ടര മണിക്കൂർ നേരം ചിരിച്ചു ത്രില്ലടിച്ചു കാണാൻ പറ്റിയ നല്ലൊരു കളർഫുൾ എന്റർടൈനർ തന്നെയാണ് മാർക്ക് ആന്റണി. ഒരു ഫെസ്റ്റിവൽ മൂഡ് സിനിമ ക്രിയേറ്റ് ചെയ്യുന്നുണ്ട്. സ്ഥിരം ഫോർമുലകളിൽ നിന്നും വേറിട്ട സിനിമകളെ ഇഷ്ടപ്പെടുന്ന ഏതൊരാൾക്കും ഞാൻ ഈ ചിത്രം സജസ്റ്റ് ചെയ്യുന്നു. തിയറ്ററിൽ കാണാനുള്ള എല്ലാവിധ ചേരുവകളുമുള്ള നല്ല കിടിലൻ എന്റർടൈനർ ഗ്യാരന്റി.

#Naaz373 😊