LEO (2023) MOVIE REVIEW

🎥 LEO (2023)

A LOKESH KANAGARAJ SAMBHAVAM

ഇക്കൊല്ലം ഏറ്റവും ഹൈപ്പിൽ, ഏറ്റവും പ്രതീക്ഷയോടെ കാത്തിരുന്ന സിനിമ, ലോകേഷ് കനകരാജ് എന്ന ബ്രാൻഡഡ് സംവിധായകനോട് ഉള്ള ഇഷ്ടം, പ്രതീക്ഷ, അങ്ങനെ സിനിമയ്ക്ക് വേണ്ടി കണ്ണ് നട്ട് കാത്തിരിക്കാൻ നിരവധി കാരണങ്ങൾ...

ഇനി സിനിമയിലേക്ക്...

കാസ്റ്റിംഗ് കൊണ്ടും ടെക്നിക്കൽ മികവ് കൊണ്ടും ലിയോയിൽ നല്ലൊരു ടീം ആണ് വർക്ക് ചെയ്തിരിക്കുന്നത്. അത് സിനിമയുടെ ക്വാളിറ്റി നന്നായി അപ് ലിഫ്റ്റ് ചെയ്തിട്ടുണ്ട്. ഒരു സെക്കൻ്റ് പോലും ലാഗ് ഫീൽ ചെയ്യിക്കാതെ, എന്നാൽ പറയുന്നത് പ്രേക്ഷകരുമായി കണക്റ്റ് ചെയ്യിക്കാൻ ലോകേഷിന് പൂർണമായും കഴിഞ്ഞു. അതിൻ്റെ ഉത്തമ ഉദാഹരണമാണ് തിയറ്ററിൽ അലയടിക്കുന്ന ആരവങ്ങൾ. 

ട്രെയിലറിൽ നിങൾ കണ്ടത് സിനിമയുടെ വെറും 20% മാത്രമാണ്. ബാക്കി 80% എന്താണെന്ന് അറിയണം എങ്കിൽ സിനിമ കാണുക തന്നെ വേണം. സ്പോയിലർ വരാതിരിക്കാൻ വേണ്ടി ചിത്രത്തിൻ്റെ പ്രമേയത്തിലേക്ക് ഞാൻ അധികം കടക്കുന്നില്ല. അത് നിങ്ങൾക്ക് സർപ്രൈസ് എലമൻ്റ് ആണ്. ലോകേഷ് പറഞ്ഞത് പോലെ സിനിമയിൽ ഉടനീളം ധാരാളം ഇപ്പറഞ്ഞ സർപ്രൈസ് സംഭവങ്ങൾ അടുക്കി വെച്ചിട്ടുണ്ട്. അത് തിയറ്ററിൽ അനുഭവിച്ച് തന്നെ അറിയണം.

പോസിറ്റീവ്

വിജയ് എന്ന നടനെയും താരത്തെയും ഒരേപോലെ മികവുറ്റതാക്കി മാറ്റാൻ ലോകേഷിനു കഴിഞ്ഞിട്ടുണ്ട്. പ്രത്യേകിച്ച് ഇമോഷണൽ സീനുകൾ ഒക്കെ അദ്ദേഹം ഗംഭീരമാക്കി. വിജയ് - തൃഷ കോംബിനേഷൻ നൈസ് ആയിരുന്നു.

The LCU Factor - ഏറ്റവും കൂടുതൽ ആകാംക്ഷയോടെ കാത്തിരുന്നത് ലോകി ഇതിൽ എങ്ങനെയാണ് തന്റെ സ്വന്തം സിനിമാറ്റിക് യൂണിവേഴ്‌സ് കണക്റ്റ് ചെയ്തിരിക്കുന്നത് എന്നതാണ്. സിനിമയുടെ ആദ്യ പകുതിയിൽ തന്നെ അതിനുള്ള ഉത്തരവും ലോകി നൽകുന്നുണ്ട്. അതൊരു ഒന്നൊന്നര ട്രീറ്റ് ആണ്. 

ലോകേഷിന്റെ വേറിട്ട മേക്കിങ് - ഒപ്പം മനോജ് പരമഹംസയുടെ കിടിലൻ വിഷ്വൽസ്, അനിരുദ്ധ് ഒരുക്കിയ വൈബ് സോങ്‌സും, മാരക ബാക്ക്ഗ്രൗണ്ട് സ്കോറും സിനിമയെ എലിവേറ്റ ചെയ്യുന്നുണ്ട്. എൻഗേജിങ് ആക്കി സിനിമ നിലനിർത്താൻ അനിരുദ്ധ് നന്നായി ശ്രമിച്ചിട്ടുണ്ട്. അത് സിനിമയ്ക്ക് ഗുണം ചെയ്തിട്ടുണ്ട്. 

പെർഫോമൻസ് - വിജയ് ഉൾപ്പെടെ സിനിമയിൽ എല്ലാവരും കിടിലൻ പ്രകടനം. അതിൽ തന്നെ പ്രത്യേകം ഞാൻ പേരെടുത്ത് പറയുന്നത് ഗൗതം മേനോൻ, സഞ്ജയ് ദത്ത്, മാത്യൂസ്, തൃഷ, തുടങ്ങിയവരുടെ ഗംഭീര പ്രകടനങ്ങളാണ്. സിനിമ ഒരു ഭാഗത്ത് പോലും ബോർ ആക്കാതെ കൊണ്ട് പോകാൻ അഭിനേതാക്കളുടെ മികച്ച പ്രകടനം കൊണ്ട് കഴിഞ്ഞു. 

നെഗറ്റീവ്

എ ഹിസ്റ്ററി ഓഫ് വയലൻസ് സിനിമയുടെ റീമേക്ക് ആണെന്ന് ലോകേഷ് തന്നെ മുന്നേ പറഞ്ഞിരുന്നു എങ്കിലും സിനിമ അതേപടി അതിനെ പകർത്താൻ നോക്കിയിട്ടില്ല എന്നാണ് എന്റെ അനുഭവം. കാരണം അതുമായി യാതൊരു സാമ്യതകളും തോന്നാത്ത വിധത്തിലുള്ള മേക്കിങ് സിനിമയെ യൂണിക് ആക്കുന്നുണ്ട്. നിരവധി സിനിമകളിൽ റഫറൻസ് ആയി വന്ന കഥയും കഥാപാത്രങ്ങളും ആണെങ്കിൽ പോലും സിനിമ ഒരിടത്ത് പോലും ബോറടിപ്പിക്കുന്നില്ല എന്ന് മാത്രമല്ല ഇന്റർവെൽ ഒക്കെ ആകുമ്പോൾ രോമാഞ്ചത്തിന്റെ അങ്ങേയറ്റം ആണ്. അതുകൊണ്ട് തന്നെ മേക്കിങ്ങ് ഒരു പരിധിവരെ സിനിമയെ ബൂസ്റ്റ് അപ് ചെയ്തിട്ടുണ്ട്.

'അഭിനയിക്കാൻ അറിയാത്ത വിജയ്' എന്ന് മറ്റുള്ളവർ കളിയാക്കുന്ന വിജയ് എന്ന താരത്തെ വേണ്ട വിധത്തിൽ ഉപയോഗിച്ച സിനിമയാണ് ലിയോ. ഇതേ ട്രാക്കിൽ പോയാൽ വിജയുടെ അഭിനയം മെച്ചപ്പെടാൻ ചാൻസ് ഉണ്ട്. 

ആകെ മൊത്തത്തിൽ ലിയോ ഒരു ഫെസ്റ്റിവൽ മൂഡ് സമ്മാനിക്കുന്ന ഔട്ട് ആൻഡ് ഔട്ട് എന്റർടൈനർ ആണ്. കൂടുതൽ ചിന്തിച്ചു തല പുകയ്ക്കാതെ നേരെ തൊട്ടടുത്ത തിയേറ്ററിലേക്ക് വിട്ടോ മക്കളെ...

കിടിലൻ തിയറ്റർ എക്‌സ്പീരിയൻസ് ഗ്യാരന്റി 💯

#Naaz373 😊