Halal Love Story (2020)
Directed by Zakariya
മലയാള സിനിമയിലെ മികച്ച ഒരു അണ്ടർ റേറ്റഡ് സ്ത്രീ കഥാപാത്രം ആണ് സുഹറ. അധികം ആരും എവിടെയും ഗ്രേസ് ആൻ്റണിയുടെ ഗംഭീരവും അതിലേറെ ലളിതവുമായ ഈ പ്രകടനത്തെ കുറിച്ച് പറഞ്ഞു കേട്ടിട്ടില്ല. ശരിക്കും സിനിമയിലെ നായക കഥാപാത്രത്തെക്കാൾ പ്രാധാന്യം ഇവർക്കുണ്ട്. ആ ക്യാരക്ടർ അതിൻ്റെ മീറ്ററിൽ പിടിച്ച് ചെയ്യാൻ ഗ്രേസിന് കഴിഞ്ഞു. ഒരു സമുദായത്തിന് ഉള്ളിലെ രാഷ്ട്രീയം വ്യക്തമായി വരച്ചു കാണിച്ച നല്ലൊരു സിനിമയാണ് ഹലാൽ ലൗ സ്റ്റോറി.
സാമൂഹിക പരമായും രാഷ്ട്രീയപരമായും വർത്തമാന കാല പ്രസക്തിയുള്ള ഗൗരവകരമായ വിഷയത്തെ നർമ്മത്തിൽ പൊതിഞ്ഞ് ലളിതമായ കഥാപാത്രങ്ങളെ ഉപയോഗിച്ച് കൊണ്ട് അവതരിപ്പിക്കാൻ സംവിധായകൻ സക്കരിയയ്ക്ക് സാധിച്ചു.
മനസ്സിൽ സ്പർശിക്കുന്ന നിമിഷങ്ങൾ കൊണ്ട് സിനിമ ആദ്യാവസാനം എൻഗേജിങ് ആയി മാറുന്നുണ്ട്. ഒപ്പം അഭിനേതാക്കളുടെ മികച്ച പ്രകടനം കൂടിയാകുമ്പോൾ ചിത്രം മനോഹരമായി മാറും. ഓടിടി റിലീസായി പുറത്തിറങ്ങിയ ചിത്രം ആമസോൺ പ്രൈമിൽ ലഭ്യമാണ്. കാണാത്തവർ തീർച്ചയായും കണ്ടു നോക്കുക.
#Naaz373 😊

Comments
Post a Comment