KAANTHA (2025)
A Film by Selvaraj Selvamani
ലക്കി ഭാസ്കറിൻ്റെ ഗംഭീര വിജയത്തിന് ശേഷം വരുന്ന ദുൽഖറിൻ്റെ മറ്റൊരു അന്യഭാഷ ചിത്രം, അതേപോലെ സിനിമയുടേതായി വന്ന ടീസർ, ട്രെയിലർ എല്ലാം കണ്ടപ്പോൾ തന്നെ ദുൽഖറിൻ്റെ അഭിനയത്തിൻ്റെ മറ്റൊരു വേർഷൻ കാണാം എന്ന പ്രതീക്ഷയോടെയാണ് സിനിമയ്ക്ക് ആദ്യ ദിനം തന്നെ ടിക്കറ്റ് എടുത്തത്. സിനിമ ഒരു പക്കാ ഓഫ് ബീറ്റ് ആർട്ട് ടൈപ്പ് ആണെന്ന് കൂടി മനസ്സിൽ വെച്ചുകൊണ്ട് സിനിമയ്ക്ക് കയറി. ബാക്കി വഴിയേ പറയാം...
സിനിമയുടെ അനൗൺസ്മെൻ്റ് വന്ന ടൈമിൽ ഇത് തമിഴ് സിനിമയിലെ ആദ്യകാല സൂപ്പർസ്റ്റാർ ആയിരുന്ന ത്യാഗരാജ ഭാഗവതരുടെ ബയോപിക് ആണെന്ന രീതിയിലുള്ള റുമറുകൾ പ്രചരിച്ചിരുന്നു. എന്നാൽ സിനിമയുടെ അണിയറ പ്രവർത്തകർ പറഞ്ഞത് സിനിമ തികച്ചും ഫിക്ഷണൽ ആണെന്നും ജീവിച്ചിരിക്കുന്നവരോ മരണപ്പെട്ടവരോ ആയി സിനിമയ്ക്ക് യാതൊരു ബന്ധവുമില്ല എന്നായിരുന്നു.
1950-കളിലെ തമിഴ് സിനിമാ ലോകവും, അക്കാലത്തെ ഒരു ശ്രദ്ധേയനായ നടൻ്റെ ജീവിതവും, അയാളുടെ തന്നെ സിനിമ സെറ്റിൽ നടക്കുന്ന ഒരു ക്രൈം, അതുമായി ബന്ധപ്പെട്ട പോലീസ് അന്വേഷണം, ഒടുവിൽ ചുരുളഴിയുന്ന സത്യങ്ങളും അവരുടെ ഇടയിലുള്ള ഈഗോ ക്ലാഷ് ഇവയൊക്കെയാണ് സിനിമ പ്രധാനമായും ചർച്ച ചെയ്യുന്നത്.
ഒരേസമയം ആർട്ട് പടം ആയും, വാണിജ്യ സിനിമയായും ആണ് സിനിമയുടെ മേക്കിങ്. അതുകൊണ്ട് തന്നെ സിനിമയ്ക്ക് ഹൈ മൊമെൻ്റ്സും, ലോ മൊമെൻ്റ്സും ധാരാളം ഉണ്ട്. ചില സീനുകൾ വളരെ ഫ്ലാറ്റ് ആയി മാറുന്നുമുണ്ട്. ആർട്ട് സിനിമകൾക്ക് സാധാരണയായി ഉണ്ടാകുന്ന ലാഗ് ഒരുപരിധിവരെ ഈ സിനിമയ്ക്കുമുണ്ട്. സോ ഇതെല്ലാം മനസ്സിൽ വെച്ചുകൊണ്ട് വേണം സിനിമ കാണാൻ എന്ന് ചുരുക്കം.
ആദ്യ പകുതിയിൽ കുറെ നല്ല അഭിനയ മുഹൂർത്തങ്ങളും, World Building ഉം ഒക്കെ ഉള്ളത് കൊണ്ട് സിനിമ എൻഗേജിങ് ആയിരുന്നു.
പക്ഷേ എങ്ങനെയൊക്കെ കണ്ടിട്ടും സിനിമയുടെ രണ്ടാം പകുതി എനിക്ക് പേഴ്സണലി തീരെ വർക്ക് ആയില്ല. അതിൻ്റെ കാരണം നെഗറ്റീവ് സെക്ഷനിൽ പറയാം.
പോസിറ്റീവ്
DULQUER SALMAAN - THE CLASSIC PERFORMER ❤🔥👌
സിനിമ കുറച്ചെങ്കിലും വർക്ക് ആകാനുള്ള റീസൺ ഇങ്ങേരാണ് എന്ന് നിസ്സംശയം പറയാൻ കഴിയുന്ന ലെവൽ പ്രകടനം. 'TK മഹാദേവൻ' എന്ന സിനിമയ്ക്ക് ഉള്ളിലെ സിനിമാതാരം ആയി ഗംഭീര പെർഫോമൻസ് തന്നെയാണ് പുള്ളി കാഴ്ച വെച്ചത്. ട്രെയിലറിൽ നമ്മൾ കണ്ട ചില രംഗങ്ങൾ... അതുപോലെ ഒരു മിറർ സീൻ... ഒക്കെ അതി ഗംഭീരമായി ദുൽഖർ ചെയ്തു വെച്ചിട്ടുണ്ട്.
നായിക കഥാപാത്രമായി വന്ന ഭാഗ്യശ്രീ ബോസിൻ്റെ കരിയർ ബെസ്റ്റ് ക്യാരക്ടർ + പെർഫോമൻസ് എന്ന് കാന്തയിലെ പ്രകടനത്തെ പറയാം. 'കുമാരി' എന്ന കഥാപാത്രം ആയി മികച്ച പ്രകടനം നടത്തിയപ്പോൾ സമുദ്രക്കനിയുടെയും റാണ ദഗുബാട്ടിയുടെയും പെർഫോമൻസിനെ കുറിച്ച് പിന്നീട് പറയാം.
ജെയ്ക്സ് ബിജോയ് യുടെ കിടിലൻ മ്യൂസിക് 🔥💥
ജെയ്ക്സ് ഇവിടെയും പതിവ് തെറ്റിച്ചില്ല. സോങ്‌സും ബിജിഎം വേറെ ലെവൽ ആയി ചെയ്തിട്ടുണ്ട്. ഒരു പരിധിവരെ സിനിമയെ എൻഗേജിങ് ആക്കി നിലനിർത്താൻ ജെയ്‌ക്സിന്റെ സംഗീതത്തിന് കഴിഞ്ഞു. സൈലൻസ് ആവശ്യപ്പെടുന്ന സമയത്ത് അങ്ങനെയും സിനിമയുടെ മൂഡ് ചേഞ്ച്‌ ആകുമ്പോൾ അതിനനുസരിച്ചും ബാക്ക്ഗ്രൗണ്ട് സ്‌കോർ കൊണ്ട് സിനിമ Watchable ആക്കി.
നെഗറ്റീവ്
"എഴുത്തിലെ പുഴുക്കുത്തുകൾ" 👎
അഭിനേതാക്കൾ എത്ര മരിച്ചു കിടന്ന് അഭിനയിച്ചാലും സിനിമയെ Ultimately Hold ചെയ്തു നിർത്താൻ വേണ്ടത് നല്ലൊരു സ്ക്രിപ്റ്റ് ആണ്. കൊള്ളാവുന്ന ഒരു ത്രെഡ് ഉണ്ടായിട്ടും അതിനെ നല്ലൊരു സ്ക്രിപ്റ്റ് ആക്കി കൺവെർട്ട് ചെയ്യാൻ പറ്റാതെ പോയതാണ് സിനിമയുടെ ഏറ്റവും വലിയ പോരായ്മയായി എനിക്ക് അനുഭവപ്പെട്ടത്. പ്രത്യേകിച്ച് സെക്കന്റ് ഹാഫ്. റാണയും സമുദ്രക്കനിയെ കുറിച്ചും പിന്നീട് പറയാമെന്ന് പറഞ്ഞതിന്റെ കാര്യം ഇതാണ്. അവരുടെ ക്യാരക്ടറുകൾ സിനിമയുടെ അപ്പോഴത്തെ മൂഡിനോട് ചേർന്ന് പോകാത്തത് വലിയൊരു കല്ലുകടി ആയിരുന്നു. ക്ലൈമാക്സ് കൊണ്ട് എങ്ങനെയൊക്കെയോ എഴുത്തുകാരൻ അതിനെ മറികടക്കാൻ ശ്രമിക്കുന്നുണ്ട് എങ്കിലും മൊത്തത്തിൽ നോക്കുമ്പോൾ അങ്ങ് ഒത്തില്ല. ത്രില്ലിങ് ഫീൽ ചെയ്യിപ്പിക്കേണ്ട സമയത്ത് കോമഡി ആക്കി തിയേറ്ററിൽ മൊത്തം കൂട്ടച്ചിരി ആയിരുന്നു. അതുവരെ സീരിയസ് ആയി പോയ സിനിമ, സെക്കന്റ് ഹാഫിലെ ചില സീനുകളിൽ സ്പൂഫ് ലെവലിലേക്ക് പോകുന്നുണ്ടോ എന്ന് പോലും ഞാൻ സംശയിച്ചു പോയി.
സിനിമയ്ക്ക് ഉള്ളിലെ സിനിമയിൽ വന്ന പാളിച്ചകൾ 👎
ക്ലൈമാക്സ് തീർത്തും കൺവിൻസിങ് ആയി തോന്നിയില്ല. ഒരു വെറൈറ്റി സംഭവം പിടിക്കാൻ നോക്കിയത് ആണേലും എനിക്ക് അത് ഒട്ടും വർക്കായില്ല. ഒരുപാട് കൺഫ്യൂഷൻസ് ബാക്കി വെച്ചുകൊണ്ടാണ് സിനിമ അവസാനിക്കുന്നത്. ഒന്നിനും പ്രോപ്പർ ആയൊരു റീസണിങ് പോലും നൽകാൻ സിനിമയ്ക്ക് കഴിയുന്നില്ല. സ്‌പോയ്ലർ ആകുമെന്നത് കൊണ്ട് കൂടുതൽ പറയുന്നില്ല.
എന്റെ അഭിപ്രായം
ഒരുപാട് കിടിലൻ അഭിനയ മുഹൂർത്തങ്ങൾ സമ്മാനിക്കുന്ന, എന്നാൽ വളരെ ഫ്ലാറ്റ് നറേഷനിൽ കഥ പറഞ്ഞു പോയത് കൊണ്ട് മാത്രം ആവറേജിൽ ഒതുങ്ങി പോകുന്ന ഒരു ആർട്ട് കം കോമേർഷ്യൽ സിനിമയാണ് കാന്ത.
ദുൽഖർ സൽമാന്റെയും ഭാഗ്യശ്രീ ബോസിന്റെയും അഭിനയ ജീവിതത്തിലെ രണ്ട് മികച്ച കഥാപാത്രങ്ങൾ ആണെങ്കിൽ കൂടിയും സിനിമ അവരോട് നീതി പുലർത്തിയില്ല എന്ന് വളരെ വിഷമത്തോടെ പറയേണ്ടി വരും. എന്നാലും ഇത്രയേറെ വെല്ലുവിളി നിറഞ്ഞ ക്യാരക്ടറുകൾ തിരഞ്ഞടുക്കാൻ കാണിച്ച ധൈര്യത്തെ സമ്മതിച്ചു കൊടുക്കണം.
ദുൽഖറിന്റെ മലയാളത്തിലേക്കുള്ള മടങ്ങി വരവിനായി കാത്തിരിക്കുന്നു...
ഇനിയെത്ര സിനിമകൾ പരാജയപ്പെട്ടലും സ്വന്തമായി ഒരു സ്ഥാനം മലയാളത്തിൽ നിങ്ങൾ തന്നെ ഉണ്ടാക്കി എടുത്തിട്ടുണ്ട്. അതിന് യാതൊരുവിധ കോട്ടവും സംഭവിച്ചിട്ടില്ല. അതുകൊണ്ട് മികച്ച സ്ക്രിപ്റ്റുകൾ കൊണ്ട് വീണ്ടും മലയാളത്തിലേക്ക് തന്നെ തിരിച്ചു വരണം എന്ന് കൂടി കൂട്ടിച്ചേർക്കാൻ ആഗ്രഹിക്കുന്നു. കൂകി വിളിച്ചവരെ കൊണ്ട് തന്നെ കയ്യടിപ്പിച്ച ചരിത്രമുള്ള ആളോട് ഇതിൽ കൂടുതൽ പറയേണ്ട കാര്യമില്ലല്ലോ...👊💥
വാൽക്കഷ്ണം
ഒരു ഓഫ് ബീറ്റ് ആർട്ട് സിനിമയ്ക്ക് അതിന്റെതായ രീതിയിലുള്ള പ്രമോഷൻ വേണമായിരുന്നു കൊടുക്കേണ്ടത്. അല്ലാതെ ബ്രഹ്മാണ്ഡ സിനിമ വരുന്നു എന്ന ലേബലിൽ വന്ന പ്രമോഷൻ പരിപാടികളും സിനിമയ്ക്ക് വലിയൊരു തിരിച്ചടിയായി മാറി. കാശ് ഇറക്കണം, പക്ഷേ സിനിമയ്ക്ക് അനുസരിച്ച് വേണം പ്രമോഷൻ ചെയ്യേണ്ടത്.
Better Luck Next Time My Man 🤟🙌
#Naaz373 😊
Comments
Post a Comment